Irannyń ıadrolyq baǵdarlamasyna qatysty Venada qolǵa alynǵan kelissózderdi tez arada jańǵyrtý kerek. Bul týraly Eýroodaq dıplomatııasynyń basshysy Jozep Borrel men parsy eliniń Syrtqy ister mınıstri Hoseın Amır Abdolla-hııan málimdedi, dep jazady Egemen.kz.
Olar bul pikirdi Nıý-Iorkte ótip jatqan Birikken Ulttar Uıymy Bas assambleıasynyń alańynda aıtty. Eýroodaq dıplomatııasynyń basshysy ıadrolyq baǵdarlamaǵa qatysty Avstrııadaǵy kelissózderdi qaıta bastaýdyń asa mańyzdy ekenin atap kórsetken. Irannyń Syrtqy ister mınıstri de júzdesýge daıyn ekenin jetkizgen.
Esterińizge sala keteıik, Venada sáýir aıynda Iran men quramyna Reseı, Ulybrıtanııa, Germanııa, Qytaı jáne Fransııa kiretin halyqaralyq «bestiktiń» arasynda kelissózder bastalǵan bolatyn.