Bala týýyna jáne bir jasqa tolǵanyna deıingi kútimine baılanysty tólenetin járdemaqyny resimdegisi keletin qazaqstandyqtar endi turǵylyqty jerine qaramastan, elimizdiń kez kelgen HQO-na júgine alady, dep habarlaıdy Egemen.kz.
Buryn turaqty tirkeýdiń bolýy jáne tirkelgen jeri boıynsha HQO-ǵa júginý – áleýmettik tólemderdi resimdeýdiń basty krıterıiniń biri bolǵan.
«Eksterrıtorıaldy qaǵıdat turǵylyqty tirkeý ornyna táýeldi bolmaı, klıentterimizge qozǵalys erkindigin beredi. Onyń arqasynda qazaqstandyqtar balanyń týýyna jáne onyń kútimine baılanysty járdemaqyny, tirkelgen mekenjaıyna qaramastan, eldiń kez kelgen HQO-da bala bir jasqa tolǵanǵa deıin onyń kútimine baılanysty tabysynan aıyrylǵan jaǵdaıda tólenetin áleýmettik tólemderdi resimdeı alady. Jyl sońyna qaraı biz tólemderdiń basqa túrleri boıynsha da eksterrıtorıaldy qaǵıdatty engizýdi josparlap otyrmyz», dedi «Azamattarǵa arnalǵan úkimet» basqarma tóraǵasynyń orynbasary Birjan Júnisov.
Aıta keteıik, 2021 jyldyń 8 aıynda bala týýyna jáne onyń bir jasqa deıingi kútimine baılanysty járdemaqylar boıynsha 300 myńnan astam memlekettik qyzmet resimdelgen.