V.Chelahqa qatysty sot úkimi ózgerissiz qaldy

Keshe Joǵarǵy Sottyń qylmystyq ister jónindegi qadaǵalaý alqasy ómir boıy bas bostan­­­­­­dy­ǵy­nan aıyrýǵa sottalǵan Vladıslav Chelahtyń ótinishin qarady. Atalǵan ótinish ómir boıy bas bostandy­ǵynan aıyrýǵa sottalǵan adamnyń ótinishi retinde Qylmystyq is júrgizý kodeksiniń 459-baby 2-bóliginiń talaptaryna sáıkes sot qadaǵalaýy tártibimen qaraldy. Sot otyrysynda barlyq qatysý­shylardyń sózderi tyńdaldy, qorǵaýshy taraptardyń dáleldemeleri muqııat zerttelip, oǵan tıisti baǵa berildi. Qylmystyq istiń materıaldaryn taldaý jáne zertteý nátıjesi boıynsha, qolda bar dáleldemeler, oǵan qatysty shyǵarylǵan sot aktileri negizdi jáne zańdy dep tanylyp, V.Che­lahtyń sot aktilerin qaıta qaraý týraly ótinishi qanaǵattandyrýsyz qaldyryldy, dep habarlady Joǵarǵy Sottyń baspasóz qyzmeti.