I.Jansúgirov atyndaǵy Jetisý ýnıversıtetiniń stýdentteri endi óz basseınderinde júzip úırenedi. Jańa gıdrotehnologııalyq nysan ýnıversıtet qarajatyna salyndy. Saltanatty ashylý sharasyna oblys ákiminiń orynbasary Batyrjan Baıjumanov, oqý ornynyń rektory Qýat Baımyrzaev qatysty.
– Jaqynda Taldyqorǵan qalasynda olımpıadalyq úlgidegi jabyq basseın ashylǵan edi. Jattyǵýǵa 3 myńnan asa bala jazylyp, myńnan astamy júzý úıirmesinde daıyndalýda. Jattyqtyrýshylar quramyn keńeıtý jaǵy qarastyrylýda. Elbasy tapsyrmasy aıasynda aımaqta 13 dene shynyqtyrý-saýyqtyrý kesheni qoldanýǵa berildi. Taǵy tórteýiniń jáne 150 vorkaýt-nysan qurylysy júrgizilýde. Endi stýdentterge arnalǵan júzý basseıni paıdalanýǵa berildi. Basseın buqaralyq sportty damytý jáne salaýatty ómir saltyn nasıhattaý maqsatynda salyndy, – deıdi oblys ákiminiń orynbasary Batyrjan Baıjumanov.
Ol ýnıversıtet basshylyǵyna oqý sapasynyń joǵarylyǵy, oqý ǵımaratynyń materıaldyq-tehnıkalyq bazasynyń jańartý baǵytyndaǵy jumystary úshin alǵysyn bildirdi. О́z kezeginde ýnıversıtet rektory Qýat Baımyrzaev oblys ákimi qoldaýymen salynǵan stýdentterge arnalǵan zamanaýı jataqhananyń arqasynda Jetisý ýnıversıteti respýblıka boıynsha stýdentterdi áleýmettik qamtý boıynsha birinshi oryn ıelengenin aıtty. Sondaı-aq ol oblys ákimine ýnıversıtetke kórsetilip jatqan kómek úshin alǵysyn bildirdi. Al stýdentter atynan sóz alǵan Dene shynyqtyrý jáne sport fakýltetiniń 4-kýrs stýdenti, kórkem gımnastıkadan sport sheberi Dıana Beısenova rızashylyǵyn jetkizip, basseınniń ashylýy stýdentterdiń sportqa den qoıýyna serpin beretinin jetkizdi.
Jabyq basseınniń jalpy kólemi 3 644,20 sharshy metrdi quraıdy. Nysan qurylys talaptaryna jáne sanıtarlyq-epıdemııalyq standarttarǵa saı salynǵan. Basseınge kiretin jeke kireberis, kıim aýystyratyn oryn, saýna, vanna, jattyqtyrýshy men jumysshylarǵa arnalǵan bólme, sport ınventaryn tazalap, saqtaýǵa arnalǵan arnaıy bólme, dezınfeksııalyq zattar – barlyǵymen qamtylǵan. Ákimshilik jáne medısınalyq kabınetter de bar. Odan bólek sýdy testileýden ótkizýge arnalǵan zerthanamen qamtylǵan.
Jalpy, ýnıversıtet qabyrǵasynda 6 myńnan asa stýdent bilim alyp jatyr. Onyń ishinde 450 jas oblys ákimi grantynyń ıegeri.
Almaty oblysy