Ázirbaıjan BUU Halyqaralyq sotyna júginip, Erevannyń násildik kemsitýdiń barlyq túrlerin joıý týraly halyqaralyq konvensııany júıeli túrde buzǵany úshin Armenııanyń ústinen aryzdandy, dep habarlaıdy Egemen.kz TASS-qa silteme jasap.
Tıisti aqparat sottyń saıtynda jarııalanǵan.
Ázirbaıjan Respýblıkasy búgin Birikken Ulttar Uıymynyń negizgi zańdy organy - Halyqaralyq sotyna Armenııa Respýblıkasyna qatysty násildik kemsitýshiliktiń barlyq túrlerin joıý týraly halyqaralyq konvensııanyń buzý faktileri boıynsha aryzdanyp, is qozǵaýǵa túrtki boldy, delingen sot saıtynda jarııalanǵan habarlamada.
Ázirbaıjannyń shaǵymy boıynsha, «Armenııa ázirbaıjandyqtarǵa ulttyq jáne etnıkalyq shyǵý tegine baılanysty birneshe kemsitýshilik áreketter jasady ári ony jasap ta kele jatyr».
Sondaı-aq aryzda Halyqaralyq sottyń bul shaǵym boıynsha qandaı da bir sheshimi shyqqanǵa deıin Armenııaǵa qarsy ýaqytsha sharalar qoldaný týraly da talap bar.
Qyrkúıek aıynyń ortasynda Armenııa BUU Halyqaralyq sotynda Ázirbaıjanǵa qarsy týra osyndaı talap-aryzben júgingen. Oǵan baılanysty sot talqylaýy bastalyp ketken.