2022 jyldyń kókteminde turǵyn úı 20%-30% qymbattaıdy. Qazaqstan Qurylysshylar odaǵynyń basshysy Talǵat Erǵalıev BAQ ókilderine osyndaı boljam aıtty, dep habarlaıdy Egemen.kz.
«Qurylystyń qunyn arzandaý týraly aıtsaq, 2014-2015 jyldary úshinshi-tórtinshi klasty turǵyn úıdiń sharshy metri 1,5-2 myń dollarǵa satylsa, qazir olar 750 dollarǵa ótip jatyr. Bir sózben aıtqanda qurlyskompanııalary salǵan úıiniń ózindik qunyn ǵana aqtap jatyr. Baspana tapshylyǵynyń qalyptasýyna qurylys kompanııalary kináli emes. Búginde qurylystyń ózi 35%-40% qymbattady. Materıaldar 60%-dan 90%-ǵa deıin sharyqtap ketti», dedi Talǵat Erǵalıev BAQ ókilderine.
Onyń aıtýynsha, qazirgi tańda qurylys quny 15%-ǵa kóterilgen.
«Qısynǵa salyp qarasańyz, qurylystyń ózi 35%-40% qymbattasa, sharshy metrdiń quny bar bolǵany 15%-ǵa qymbattaǵannyń ózinde baǵanyń ósip ketkenin kóremiz. Kommersııalyq turǵyn úı salýshylar baǵany bir túnde kóterip jatqan joq. Olar baǵany birtindep, baıaý kóteredi. 2022 jyldyń kókteminde baspana baǵasy 20%-30% ósedi dep topshylap otyrmyz. Biz muny naqty bıylǵy taldaýǵa ǵana súıenip aıtyp turǵan joqpyz. Bul qurylystyń barlyq kezeńin taldaý arqyly alynǵan boljam», dedi Talǵat Erǵalıev.