Yves Saint Laurent, Gucci jáne Bottega Veneta sekildi sán brendterdiń ıesi fransýzdyń Kering kompanııasy tabıǵı teriden tolyq bas tartý týraly sheshim qabyldady, dep habarlaıdy Egemen.kz.
Bul týraly kompanııanyń baspasóz qyzmeti málimdedi.
«Kering janýarlardyń terisin paıdalanýdan bas tartý týraly sheshim qabyldady. 2022 jylǵy kúzgi kolleksııalardan bastap toptaǵy bir de bir sán úıinde ań terisi bolmaıdy», delingen habarlamada.
Kering kompanııasynyń bas dırektory Fransýa-Anrı Pınottyń aıtýynsha, janýarlardy qorǵaýǵa kelgende, kompanııa árqashan óziniń jetkizilim tizbegi men jumys tájirıbesin jaqsartýǵa daıyn.
Buǵan deıin Izraıldiń qorshaǵan ortany qorǵaý mınıstri Gıla Gamlıel elde kıim óndirý úshin janýarlardyń terisin satýǵa tyıym salatyn qujatqa qol qoıǵan bolatyn. Mınıstr kıim óndirisinde teri men terini paıdalaný azǵyndyq ekenin aıtty.