26 qyrkúıek kúni Elordada «Astana Marathon-2021» ótedi. Osyǵan baılanysty 57 qoǵamdyq kóliktiń baǵyty ózgeredi, dep jazady Egemen.kz.
26 qyrkúıek kúni «Astana Marathon-2021» marafony ótedi. Jelaıaqtar eki qashyqtyq boıynsha júgiredi: 10 km jáne 42,2 km.
10 km qashyqtyqta ótetin baǵyt: Rysqulov – Qabanbaı batyr – Orynbor – Máńgilik El – Rysqulov baǵyty boıynsha.
42.2 km júgirý Rysqulov – Qabanbaı batyr – Orynbor – Máńgilik el – Qaldaıaqov – Panfılov – Táýelsizdik – Nájimedenov – Nurmaǵambetov – Baıtursynov – Qoshqarbaev – Jumabaev – Momyshuly – Abylaı han – Qajymuqan – Jumabaev – Qoshqarbaev – Qonaev – Qazaq radıosy – Dostyq – Máńgilik El – Rysqulov kósheleri boıynsha ótedi.
Marafonǵa baılanysty 26 qyrkúıekte saǵat 7:00-den 14:00-ge deıin birneshe kóshede kólik qozǵalysy tolyǵymen nemese ishinara shekteledi.
Sonymen qatar qozǵalystaǵy 57 qoǵamdyq kóliktiń júrý baǵyty ózgeredi. Olar: № 2, 3, 4, 4A, 5, 5A, 8, 9, 10, 11, 12, 13, 14, 19, 20, 21, 22, 22A, 23, 24, 25, 28, 29, 30, 31, 33, 35, 37, 40, 41, 44, 46, 48, 51, 52, 53, 54, 56, 60, 61, 70, 71, 72, 73, 80, 302, 303, 304, 308, 309, 313, 314, 315, 316, 318, 320, 321.
Jeti baǵyttyń qozǵalysy toqtatylady: №№ 15, 15a, 18, 32, 47, 50, 323.
Joǵaryda atalǵan baǵyttar boıynsha qoǵamdyq kóliktiń jumysy kósheler ashylǵannan keıin qalpyna keltiriledi.
«Marshrýttardyń qozǵalys shemasyn «City Transportation Systems» kompanııasynyń Instagram jelisindegi resmı paraqshasynan tabýǵa bolady: @cts_kz. Osyǵan baılanysty elorda turǵyndary men qonaqtary qozǵalys baǵytyn aldyn ala josparlaýy qajet», dep jazady Nur-Sultan ákimdiginiń resmı saıty.