Shymkenttiń bas memlekettik sanıtar dárigeri Ábdimanap Tólebaev qala aýmaǵynda karantın rejımin uzartý týraly jańa qaýly jarııalady, dep habarlaıdy Egemen.kz.
«Shymkent qalasynda karantın rejımi jáne koronavırýs ınfeksııasynyń taralýynyń aldyn alý jónindegi shekteý is-sharalary epıdemıologııalyq jaǵdaı turaqtalǵanǵa deıin uzartylsyn», delingen qujatta.
Jańa qaýlyǵa sáıkes, 65 jastan asqan adamdardyń qalada júrýi shekteledi. Qoǵamdyq oryndarda betperde kııý, áleýmettik araqashyqtyqty saqtaý jáne antıseptıkterdi paıdalaný talaptary qatań saqtalýy kerek. Saýda oryndarynda, halyqqa qyzmet kórsetý salasyndaǵy nysandarda jáne adamdar kóp jınalýy múmkin oryndarda kúndelikti dezınfeksııalyq is-sharalar júrgiziledi.
«Ashyq» jobasyna qatysýshy barlyq obektiler úshin saǵat 00.00-ge deıin, «Ashyq» jobasynyń kóshbasshylary úshin – saǵat 02.00-ge deıin; demalys kúnderi – saǵat 02.00-ge deıin, qyzmetkerler men kelýshilerde «jasyl mártebe» bolǵan jaǵdaıda (vaksınasııa, synama alǵan kezden bastap 7 táýlikten aspaıtyn teris nátıjesi bar PTR test, turaqty medısınalyq qarsy kórsetilimderi bar, aýyryp jazylǵan adamdar sońǵy 3 aı ishinde) «Ashyq» jobasynyń kóshbasshylary úshin – saǵat 02.00-ge deıin ruqsat etiledi.
Qaýlynyń tolyq mátinimen myna silteme arqyly tanysýǵa bolady.