QR Aýyl sharýashylyǵy mınıstri Erbol Qarashókeev Eýropa men Ortalyq Azııadaǵy ornyqty damý jónindegi óńirlik dırektor Stıven Shonbergermen, Dúnıejúzilik banktiń Qazaqstandaǵy turaqty ókili Jan-Fransýa Martomen kezdesý ótkizdi, dep habarlaıdy Egemen.kz mınıstrliktiń baspasóz qyzmetine silteme jasap.
Taraptar aýyl sharýashylyǵyndaǵy jobalardy iske asyrýdaǵy yntymaqtastyqtyń qazirgi jaǵdaıy men keleshegin talqylady.
Dúnıejúzilik bank ókilderi Aýyl sharýashylyǵyn sýbsıdııalaýdy, qarjylandyrýǵa, veterınarııalyq qyzmetterge qoljetimdilikti jaqsartýdy, sondaı-aq jaıylymdyq jerlerdi basqarýdy jáne mal sharýashylyǵy sektoryndaǵy parnıktik gazdar shyǵaryndylaryn túgendeý júıesin jetildirýdi qosa alǵanda, usaq fermerlerge qyzmetter kórsetetin ınstıtýttardy nyǵaıtý boıynsha mınıstrlik qabyldap jatqan sharalarǵa joǵary baǵa berdi.
Erbol Qarashókeev Aýyl sharýashylyǵy mınıstrligi veterınarlyq qyzmet kórsetý jáne janýarlardy esepke alý júıesin jetildirý, fermerdiń ortalyǵynda ornalasqan modeldi ilgeriletý, et ındýstrııasy úshin tıimdi agroekologııalyq saıasat úshin barlyq qajetti kúsh-jigerdi jumsaıtynyna sendirdi.