Búgin, qyrkúıektiń sońy jeksenbisinde elimizde mashına jasaý kúni atalyp ótiledi, dep habarlaıdy Egemen.kz.
Kásibı mereke alǵash ret 1981 jyly, KSRO kezinde toılanǵan. Keńes odaǵy taraǵannan keıin bul merekeni Belarýs, Qyrǵyzstan, Reseı óz kúntizbelerinde qaldyrdy.
2017 jylǵy 31 qazanda sol kezdegi Qazaqstan Respýblıkasynyń Premer-Mınıstri Baqytjan Saǵyntaev QR Úkimetiniń № 689 qaýlysyna qol qoıdy. «Qazaqstan Respýblıkasyndaǵy merekelik kúnderdiń tizbesin bekitý týraly» atalǵan qaýlyda qyrkúıektiń sońǵy jeksenbisi Mashına jasaýshy kúni retinde bekitilgen.
Aıta ketsek, osy jyldyń 8 aıy ishinde elimizde mashına jasaý kólemi 24 paıyzǵa ósip, 1,4 trln teńgeni qurady. Jyl sońyna deıin bul soma 2 trln teńgeden asyp túsedi degen boljam bar.
Búginde elimizde 3 myńnan astam mashına jasaıtyn kásiporyndarda 119 myńǵa jýyq adam jumys isteıdi. Jalpy, atalǵan salany ındýstrııalandyrýdyń sońǵy 10 jylynda 400 mlrd teńgeniń 135 jobasy júzege asyryldy. 2025 jylǵa deıin 160 mlrd teńgege taǵy 14 jobany iske asyrý kún tártibine qoıylǵan.