Bıyl esirtki zattarynyń zańsyz aınalymyna baılanysty 4 myńnan astam qylmys jasaldy, dep habarlaıdy Egemen.kz Ranking.kz-ke silteme jasap.
2021 jyldyń qańtar-maýsym aılarynda elimizde esirtki quraldarynyń, psıhotroptyq nemese ýly zattardyń, olardyń analogtary men prekýrsorlarynyń zańsyz aınalymyna baılanysty 4,3 myń qylmystyq quqyq buzýshylyq tirkeldi. 2020 jyldyń birinshi jartyjyldyǵyna qaraǵanda bul kórsetkish 7,7%-ǵa ósken.
Atalǵan quqyq buzýshylyqtar boıynsha zattaı dáleldemeler retinde 525 kólik quraly, 4,3 myń qarý-jaraq, 29 jalǵan qujat, 9 ekstremıstik materıal, sondaı-aq 143,3 mln teńgege múlik, aqsha jáne qundylyqtar birligi tárkilendi. Budan basqa, zańsyz egistikterdiń ósý alańdary anyqtalyp, joıyldy. 29 fakt boıynsha qarasora jáne 1 apıyn kóknárin ósirý jaǵdaıy anyqtaldy.
О́ńirlik bóliniste sektordaǵy eń kóp qylmystyq quqyq buzýshylyqtar elordada tirkeldi (507 jaǵdaı, 73,6%-dyq ósim). Antıreıtıngtiń ekinshi jáne úshinshi joldarynda Almaty (470 jaǵdaı, 72,8%) jáne Jambyl oblysy (352 quqyq buzýshylyq,12,5%) boldy.
Esirtki zattarynyń zańsyz aınalymynyń eń az jaǵdaılary Atyraý oblysynda tirkeldi (79 quqyq buzýshylyq, oǵan qosa jylyna 14,5%).
Quqyq buzýshylyqtardyń eń jıi kezdesetin baby - «Esirtki, psıhotroptyq zattarmen jáne sol tektestermen ótkizý maqsatynsyz zańsyz jumys isteýdiń» 2,9 myń jaǵdaıy tirkeldi.
Jyl basynan beri elimizde esirtki jáne ýytqumarlyq masań kúıde 532 quqyq buzýshylyq jasalǵan, bul bir jyl burynǵyǵa qaraǵanda 11,9%-ǵa az. Kóbinese bul jaǵdaıda «Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý» (329 jaǵdaı), sondaı-aq «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý» (48 jaǵdaı) baptary boıynsha quqyq buzýshylyqtar jasalǵan.
Quqyq qorǵaý organdarynyń qyzmetkerleri 9,8 tonna esirtki quraldary men psıhotroptyq zattardy tárkiledi, onyń ishinde 165,6 kg kontrabandalyq jolmen tústi. 3,9 tonna zat joıyldy, 16 kg tıisti mekemelerge tapsyryldy, 1,4 tonna zat qyzmettik-izdestirý ıtteriniń kómegimen alyndy.
Qazaqstanda esirtki satatyn 800-den astam saıt buǵattaldy. 8 aı ishinde 127 sotqa deıingi is júrgizý tirkeldi, onyń 58-i esirtkini jarnamalaý, 69-y ınternet arqyly ótkizý. Sonymen qatar, 129 kg sıntetıkalyq esirtki tárkilenip, 11 esirtki zerthanasy joıyldy.