Jambyl oblysynda qaýipsiz jol qozǵalysyn uıymdastyrýǵa baǵyttalǵan zamanaýı tehnıkalyq quraldar ornatylyp jatyr, dep habarlaıdy Egemen.kz.
«Bıyl Tarazda quqyq buzýshylyqtyń aldyn alý maqsatynda memlekettik-jekemenshik seriktestik aıasynda «Sergek» kesheniniń beınebaqylaý kameralary ornatylady. Joba aıasynda 450 nysanda qoǵamdyq tártipti baqylaıtyn 1250 kamera, jol qozǵalysyn qadaǵalaıtyn 48 kamera ornatý qarastyrylǵan. Ilki jobaǵa sáıkes, búginde qaladaǵy áýejaıdan Tuńǵysh Prezıdent saıabaǵyna deıingi on nysanda kameralar ornatylǵan. Bul sharalardy 2022 jyldyń birinshi toqsanynda aıaqtaý josparlanyp otyr», dedi Jambyl oblysy ákimdiginiń Jolaýshylar tasymaly jáne avtomobıl joldary basqarmasynyń basshysy Baqytjan Jánibekov.
B.Jánibekov kúre joldardy saqtap qalý jáne olarda aýyr júk tasıtyn kólikterdiń baqylaýsyz qozǵalysyn boldyrmaý úshin arnaıy qadaǵalaý sharalary uıymdastyrylyp, tekserý reıdteri ótkizilip júrgenin atap ótti. Bıylǵy jyldyń basynan beri reıd barysynda aýyr júk tasıtyn 4 608 kólik quraly tekserilgen. 943 ákimshilik hattama toltyrylyp, 23,2 mln teńge aıyppul salynǵan, dep atap ótti spıker.