Aqtóbe temirjol vokzalynda teplovoz tóbesine minip, vagonǵa sekirgen turǵyn jaýapqa tartyldy. Strategııalyq aımaqtyń tártibin buzyp, temirjolǵa jáne óz ómirine qaýip tóndirgen turǵynǵa qatysty ákimshilik is qozǵaldy, dep jazady Egemen.kz.
«Temirjol kóliginde qozǵalys qaýipsizdigin qamtamasyz etý erejesin buzý», «Temirjol kóligin paıdalaný erejesin buzý», «Alkogoldik ishimdik ishý nemese qoǵamdyq orynǵa masań kúıde kelý» baptarymen jaýapkershilikke tartylǵan turǵynnan jaýap alý kezinde ol poıyzdan «Almaty» degen jazýdy kórip, minip ketýdi oılaǵanyn aıtqan.
Oqıǵa 21 qyrkúıek kúni saǵat 15:30 shamasynda «Almaty-Aqtóbe» baǵytyndaǵy jolaýshylar poıyzynda bolǵan. Er adam manevrlik teplovozdyń ústine minip, vogonnyń ústine sekirgen. Perronda bolǵan buzaqylyq jelilik polısııa qyzmetiniń jedel áreketimen dereý toqtatyldy.
«Almaty-Aqtóbe» baǵytyndaǵy jolaýshy poıyzy Aqtóbe vokzalyna kelip, halyq túsip bolǵannan keıin manevrlik teplovozdar bos vagondardy parkke alyp ketedi. Sol kezde belgisiz er adam manevrlik teplovozǵa minip, odan vagonǵa sekirgen. Temirjolshylardyń eskertýin tyńdamaǵan. Perronda júrgen polısııa qyzmetkerleri ony jerge túsirip, bólimshege jetkizdi. Er adamnyń ishimdik ishkeni anyqtaldy», deıdi Aqtóbe stansııasy jelilik polısııa bóliminiń ókili Jaken Artyqov.
Qylmysker – 25-30 jas shamasyndaǵy jumyssyz jigit. О́ziniń aıtýynsha, Aqtóbe qalasynda bes jyldan beri turady. Týǵan jeri – Almaty oblysy. Ol buǵan deıin de qoǵamdyq orynǵa masań kúıde kelgeni jáne usaq buzaqylyq úshin jaýapkershilikke tartylǵan.