О́rt 26 qyrkúıekte Qostanaıdyń Ýzkokoleınaıa kóshesindegi ındýstrıaldy aımaqta bolǵan. Qostanaı oblysy Tótenshe jaǵdaılar departamenti baspasóz qyzmetiniń habarlaýynsha, dıirmen órtenip ketti, dep jazady Egemen.kz.
О́rt sóndirýshilerge habar saǵat 15.07-de túsken. Mamandar oqıǵa ornyna jetkenshe órttiń aýmaǵy shamamen 200 sharshy metrt jerdi sharpyp úlgergen.
Ǵımarattyń shatyry tolyǵymen janyp ketken. Qatty jeldiń áserinen jalyn tóbege tez tarap, keıin qoımaǵa irgeles ornalasqan aýmaqty da jalyn sharpydy.
О́rtti sóndirýge órt sóndirý jáne avarııalyq-qutqarý qyzmetiniń 57 qyzmetkeri men 11 arnaıy tehnıka jumyldyryldy. О́rtti sóndirýge «Qostanaı SÝ» MKK, «Rezerv» RMK men «Qazaqstan temir joly» AQ kúshteri men quraldary atsalysty.
Mamandar saǵat 16:51-de órttiń betin qaıtardy. Al ony túbegeıli sóndirý úshin qosymsha bir saǵat qyryq mınýt ýaqyt ketken. Zardap shekkender joq. О́rttiń sebebi anyqtalýda.