Qazaqstanda bıylǵy segiz aıda et baǵasy 7,4 paıyzǵa ósti, dep habarlaıdy Egemen.kz.
Bul týraly energyprom.kz saıty málim etti.
Qoı eti 14,6 paıyzǵa qymbattaǵan. Sondaı-aq, jylqy eti baǵasynyń edáýir ósýi baıqaldy - 9,4 paıyz. Sıyr eti 7,8 paıyzǵa, qus eti 3,2 paıyzǵa qymbattaǵan.
Tamyzda dúkender men bazarlarda sıyr etiniń bir kelisi úshin ortasha alǵanda baǵa 2,2 myń teńge sheginde qubylyp otyrdy. Jylqy etiniń quny bir kelisi úshin 2,5 myń, qoı eti - 2,4 myń teńge. Statıstıkaǵa súıensek, qańtar-tamyzda et óndirisi 43 myń tonna boldy, bul byltyrǵy 8 aıdaǵy kórsetkishten 4,6 paıyzǵa az. Qus etin óndirý, kerisinshe, 4,3 paıyzǵa artyp, 71,6 myń tonnaǵa jetti. Sondaı-aq, baǵanyń qymbattaýynan keıin elde et tutyný azaıǵan. Birinshi jartyjyldyq qorytyndysy boıynsha qoı etin tutyný jan basyna shaqqanda 10,6 paıyzǵa - 2,5 kelige deıin, taýyq etin tutyný 4,4 paıyzǵa - 2,2 kelige deıin qysqarǵan. Sonymen birge sıyr etin tutyný tipti jan basyna shaqqandaǵy ortasha eseppen 0,9 paıyzǵa 11,8 kelige deıin ósti.