Almatyda kólik urlap, jol apatyna túsken jigit quryqtaldy, dep habarlaıdy Egemen.kz.
Almaty qalalyq polısııa departamentiniń málimetinshe, oqıǵa tańǵy saǵat beste oryn alǵan.
«Patrýldeý kezinde polıseıler kúdik týdyrǵan kólikti toqtatty. Alaıda, júrgizýshi ony elemeı qasha jóneldi. Polıseıler izine tústi. Ol joǵary jyldamdyqpen kele jatyp rýldi basqara almaı, Shyǵys aınalma avtojolynda kele jatqan kóliktermen soqtyǵysty. Alǵan soqqydan kóliktiń qaýipsizdik jastyǵy iske qosyldy, júrgizýshi esinen tanyp qaldy, al onyń aıaǵy gazdy basqan kúıinde qaldy. Polıseıler kóliktiń esigin ashyp, kólik urlaǵan jas jigittiń ómirin saqtap qalýǵa tyrysty. Birneshe árketten keıin ǵana áınekti syndyryp, otalyp turǵan kólik óshirildi», dep habarlady polısııadan.
Alǵashqy medısınalyq kómek kórsetilgennen keıin kúdikti Bostandyq aýdandyq polısııa basqarmasyna jetkizilip, oǵan qatysty QR Qylmystyq kodeksiniń 200-baby 1-bóligi boıynsha qylmystyq is qozǵaldy.