Pavlodarda sport mektebindegi boks zalynyń tóbesi ortasyna qulady, dep habarlaıdy Egemen.kz.
Oqıǵa ornynan túsirilgen kadrlar Instagram áleýmettik jelisinde jarııalanǵan.
«Oqıǵaǵa deıin biz tóbedegi jaryqshaqtyń sebebin qarap, bilýge tıisti mamandardy shaqyrdyq. Tóbe qulaǵan kezde ishinde vahtershiden basqa eshkim bolǵan joq, sport ǵımaratynyń meńgerýshisi jáne mektep dırektory bolǵan joq. Zardap shekkender joq», dedi Týrızm jáne sportty damytý basqarmasy basshysynyń orynbasary Nurlan Esembaev.
Ǵımarat 1984 jyly salyndy, shatyry 2010 jyly, al qasbeti 2013 jyly jóndeý jumystarynan ótken.
«Buryn ǵımaratta sportzaldyń ornyna avtobaza bolǵan. Qaıta qurý jumystarynan keıin ǵımarat 6-18 jas aralyǵyndaǵy balalar jattyǵatyn boks zalyna beıimdeldi», delingen habarlamada.