Aýǵanstan Ádilet mınıstriniń mindetin atqarýshy Abdýl Hakım Sharıa elde sońǵy patsha Zahır Shahtyń zamanyndaǵy konstıtýsııa qoldanylatynyn aıtty, dep jazady Egemen.kz.
Hakım Sharıa Aýǵanstandaǵy Qytaı elshisimen kezdesýde sońǵy patsha kezindegi konstıtýsııany qoldanatynyn, tek sharıǵatqa qaıshy keletin erejelerdi alyp tastaıtynyn aıtty. Bul týraly RIA Novostı jazdy.
Zahır Shahtyń konstıtýsııasy 1964 jyly qabyldandy. Onyń negizgi erejeleriniń biri - koroldikte qoǵamdyq ómirdi demokratııalandyrý - qos palataly parlament qurý, sóz jáne jınalys bostandyǵy. Sonymen qatar áıelderge oramal taqpaý quqyǵy berilgen bolatyn.
Buǵan deıin Aýǵanstan ýaqytsha úkimeti Mádenıet jáne aqparat mınıstriniń orynbasary Zabıýlla Mýjahıd elde bılikti qolyna alǵan «Talıban» qozǵalysy kelesi jyly jańa konstıtýsııany ázirleý úshin komıssııa qurýdy josparlap otyrǵanyn aıtqan edi.