ULY О́MIRDIŃ ULAǴATY

KО́RSETILGEN KО́RKEM LENTA EKRANǴA ShYQTY Shyǵarmada paıǵambarymyzdyń Qudaı sózin jer betindegilerge jetkizýge kirisken kezinen bastap onyń osy jolda kórgen qıyndyq-quqaılary, qasıetti dinimizdi qorlamaq bolǵandarmen keskilesken kúresi, aqyr aıaǵynda  adamdardy óz sońynan ertýi, musylmandyqtyń jer-jahandaǵy saltanatty sherýin bastap berýi óte shynaıy beınelengen. Bul fılmdi kórgen árbir alash azamaty, ásirese jas urpaq ókilderi kóp tálim-tárbıe alatyny talassyz. Osydan birer jyl buryn qu­rylyp, búgingi tańda kabeldi júıe arqyly Qazaqstannyń barlyq oblys ortalyqtaryna, Jer seriginiń júıesi arqyly búkil TMD-ǵa, Aýǵanstanǵa, Páks­tanǵa, búkil Arab jazıra­sy­na, Taıaý Shyǵysqa, Eýropa­nyń kóptegen elderine habar taratyp jatqan “Asyl arna” jurt­shy­lyqty ımandylyqqa tárbıeleý jóninde ıgilikti ister atqarýda. Táýligine 24 saǵat boıy efırdi bosat­paıtyn arnanyń kún saıyn úsh jarym saǵattyq tól týyn­dy­lar daıyn­daıtyny, qalǵan ýa­qytta Quran qasıetin kórsetetin beıne­ma­terıaldardy ornymen nası­hat­taıtyny “Asyl arna­ny” tama­shalap júrgen jamı­ǵat­tyń jaqsy baǵasyn alyp keledi. Keshe “Asyl arna” taǵy bir saýapty sharýanyń tusaýyn kesti. Astanadaǵy “Saryarqa” saýda ke­sheniniń kınoparkinde “Mu­ham­med. Sońǵy paıǵambar” atty anımasııalyq fılmniń al­ǵashqy kórsetilimi uıym­das­ty­ryldy. Arnanyń bas dı­rektory Mu­hamed­jan Tazabe­kov­tiń seans aldynda sóılegen kirispe só­zin­de ataqty Gol­lıvýd­tyń ja­nyndaǵy “Badr Interneıshnl” stýdııa­synda jasalǵan bul kar­tınanyń mán-mańyzy aıshyqty aıtyldy. Fılm ǵylymı tur­ǵydan ábden saraptan ótkizilgen ssenarıı boı­ynsha túsirilgen, oǵan sún­nıt­ter tarapynan Ál-Ázhar ýnı­ver­sıtetiniń, shııtter ta­rapynan Lıvandaǵy shıǵalar­dyń eń jo­ǵary deńgeıde bátýa­sy berilgen eken. Fılm arab jáne aǵylshyn tilindegi nus­qa­larynan “Asyl arna” aýdar­ma­shylarynyń kúshi­men tárjime­len­gen. Halqy­myzd­yń qadir­men­di qyzy,  sonaý 1982 jyly-aq Muhammed paıǵambar (s.ǵ.s.) týraly arnaıy kitap jaz­ǵan Farıza Ońǵarsynova “qu­daı­syzdar qoǵamy” degendeı uıym­dar qurýdan da taıynbaǵan ke­shegi keńestik ker kezeńde  súıik­ti paıǵambarymyzdyń ónegemen órilgen ómiriniń taǵylymy hal­qymyzdyń rýhanı tiregine aı­nalǵanyn áńgimeledi, osyndaı fılmniń qazaq tilinde ekranǵa shyǵýyna atsalysqan azamat­tar­dyń bárine alǵysyn bildirdi. Rejısser Rıchard Rıchtiń qoly­nan shyqqan bul  lentany qazirge kóre qoımaǵan adam­dardyń oıynda “Bizdiń dinimiz Muhammed paıǵambardy (s.ǵ.s.) beıneleýdi quptamaıdy ǵoı, fılm qalaı túsirilgen sonda?” degendeı kúdik-kúmánniń bola­ty­ny sózsiz. Fılmdi jasaý­shy­lar bul máseleni sheberlikpen sheshe bilgen. Anımasııalyq kar­tınanyń ón boıynda paıǵam­bar­dyń ózi kórinbeıtini bylaı tursyn, onyń daýysy da estil­meıdi. Alaıda, siz adamzat ta­rıhyndaǵy eń jas dinniń dińgegi bolǵan uly tulǵanyń ulaǵatyn ár sát saıyn sezinip otyrasyz. Shyǵarmada paıǵambarymyzdyń Qudaı sózin jer betindegilerge jetkizýge kirisken kezinen bastap onyń osy jolda kórgen qıyndyq-quqaılary, qasıetti dinimizdi qorlamaq bolǵandarmen keskilesken kúresi, aqyr aıaǵyn­da  adamdardy óz sońynan ertýi, musylmandyqtyń jer-jahan­daǵy saltanatty sherýin bastap berýi óte shynaıy beınelengen. Bul fılmdi kórgen árbir alash azamaty, ásirese jas urpaq ókil­deri kóp tálim-tárbıe alatyny talassyz. Keıingi kezde ekran betin jaılaǵan jalańash-jalpylyq, jaıdaqtyq jóninde jazylýdaı-aq jazylyp, aıtylýdaı-aq aıtylyp júr. Keshegi alǵashqy kórsetilimge Parlament depýtat­tary B.Tileýhan, A.Smaıyl, S.Esjan, N.О́nerbaı qatysty. Olar da, tusaýkeserge kelgen ózge zııaly qaýym ókilderi de “Asyl arna” jasap jatqan ıgilikti isti qoldaıtyndaryn aıtty. Arnanyń bas dırektory Muhamedjan Tazabekov bizge fılmniń kórsetilý quqyn satyp alýǵa, dýblıajdaýǵa 180 myń dollar jumsalǵanyn, lenta kórsetilgen alǵashqy úsh kúnniń ózinde prokattan 1,5 mıllıon teńge túskenin, buıyrtsa, shyǵyn ózin ózi aqtaıdy dep kútip otyrǵanyn áńgimeledi. Jalpy “Asyl arna” túgeldeı otandyq  kásipkerlerdiń kómegi­men óz qyzmetin jalǵastyryp keledi. Fılmge jumsalǵan qar­jy qaıtarym bergen jaǵdaıda kásipkerler aldaǵy kezde osyn­daı jobalardy  júzege asyrýǵa qosymsha qarjy bólmek kórine­di. Aıtqandaı, fılmniń orys­sha dýblıajyn da jasap shyǵar­ǵan “Asyl arna” ony búkil TMD elderine taratý quqyna da ıe. Qazirdiń ózinde lentany Kıevtiń, Qazannyń telearna­lary suratyp otyr. Súleımen MÁMET.