Tennısten Nur-Sultanda ótip jatqan WTA 250 Astana Open týrnıriniń alǵashqy kúni artta qaldy. Dúısenbide jerlesterimizden jalǵyz Jibek Qulambaeva ǵana kortqa shyqqan edi. О́kinishke qaraı, tusaýkeser kezdesýinde ol jeńilistiń kermek dámin tatty.
Jibek atalǵan jarysqa qatysyp jatqan eń myqty oıynshylarynyń biri Elıson van Eıtvankpen sheberlik baıqasty. 27 jastaǵy Belgııanyń ókili bul kúnderi álemdik reıtıngte 89-orynda tur. Kezinde ol Rolan Garrostyń shırek fınalyna shyǵyp, Ýımbldonnyń tórtinshi kezeńine deıin jetken. WTA týrnırlerin tórt ret utty. Osy kórsetkishteriniń arqasynda úzdikter tiziminde 37-orynǵa deıin kóterildi. Iá, 21 jastaǵy qazaq qyzynda ondaı eleýli tabystardyń biri de joq. Ol álemdik reıtıngte 524-satyǵa jaıǵasqan. Ekeýara báseke 1 saǵat 29 mınýtqa sozylyp, 6:3, 6:4 esebimen belgııalyq tennısshiniń jeńisimen aıaqtaldy.
Sol kúni ótken ózge kezdesýlerde mynadaı nátıjeler tirkeldi: Anastasııa Gasanova (Reseı) – Iýlııa Gotovko (Belarýs) 6:1, 6:1. Aleksandra Krýnıch (Serbııa) – Keıtı Býlter (Ulybrıtanııa) 3:6, 6:3, 7:5. Lesıa Sýrenko (Ýkraına) – Vıtalııa Dıachenko (Reseı) 6:1, 3:1 (Rt), Anna-Lena Frıdzam (Germanııa) – Arına Radıonova (Aýstralııa) 4:6, 6:4, 6:2. Varvara Gracheva (Reseı) – Krıstına Plıshkova (Chehııa) 6:3, 7:6.
Keshe Iýlııa Pýtınseva grýzııalyq Ekaterına Gorgodzemen oınasa, Anna Danılına fransııalyq Krıstına Mladenovıchpen saıysqa tústi. Al Zarına Dıas reseılik Anastasııa Zaharovamen sheberlik baıqasty.