Aýyl sharýashylyǵy mınıstrligi 2022 jyly kókónistiń qaı túrleri qymbattaýy múmkin ekenin jáne onyń sebebin málim etti, dep habarlaıdy Egemen.kz.
Bul týraly LS. basylymy málim etti.
Aýyl sharýashylyǵy mınıstrliginiń О́simdik sharýashylyǵy ónimderin óndirý jáne qaıta óńdeý departamentiniń dırektory Azat Sultanovtyń aıtýynsha, 2022 jyldyń kókteminde jańa pisken kókónis baǵasy qymbattaýy múmkin.
Bul rette bıyl kartop qoljetimdi baǵada qalady, dep esepteıdi ol.
«Bıyl kartop kılogramy 200 teńgeden satyldy. Qazirgi shyǵyndardy jáne baǵanyń azdap ósýin eskersek kóktemde quny 200-250 teńge sheginde bolady dep kútemiz. Sábiz 30-40 teńgege qymbattaýy múmkin», dedi ol.
Azat Sultanov Úkimet maýsymaralyq kezeńde kókónis baǵasynyń kúrt ósýine jol bermeý úshin tıisti sharalar qabyldaı bastaǵanyn atap ótti. Sonymen, qazaqstandyq kartop ósirýshilerge mamyr aıyna deıin kelisimshart jasaý, ıaǵnı baǵany belgileý usynylady.
«Ol úshin ákimdikter bul ónimderdi turaqtandyrý qoryna arnap satyp alýy qajet. Olarda taýar óndirýshilerdiń tizimi bar. Jalpylaı alǵanda mınıstrlik qajet jaǵdaıdyń bárin jasap otyr», dedi A.Sultanov.
Qazaqstanda kartoptyń negizgi ónimi Pavlodar, Qaraǵandy, Aqmola jáne Soltústik Qazaqstan oblystarynda jınalady.
Aıta keteıik, bıyl jazda sábiz ben kartop baǵasy 50 paıyzǵa kúrt qymbattaǵan bolatyn.