2022 jyly Beıjińde alaýy tutanatyn Olımpııa oıyndaryna mánerlep syrǵanaýdan qaı memleketke qansha kvota berilgeni belgili boldy. О́kinshike qaraı, olardyń qatarynda Qazaqstan joq, dep jazady Egemen.kz.
Sońǵy jyldary Qazaq eli namysyn halyqaralyq arenada abyroıly qorǵap júrgen eki mánerlep syrǵanaýshy bar edi. Olar – Denıs Ten men Elızabet Tursynbaeva. Dál osy órenderimiz Olımpıadaǵa tek ózderi baryp qana qoımaı, qosymsha taǵy bir joldamany ıelenip, ony ózderiniń komandalyq áriptesterine syılaıtyn. Biraq qazir bizde ondaı múmkindik joq. Denıs Almatynyń qaq ortasynda, tapadaı tal túste jol toryǵan qaraqshylardyń qolynan qaza tapty. Jaraqatynan aıyǵa almaǵan Elızabet úlken sportpen qosh aıtysty. Nátıjesinde Qazaqstan quramasy Olımpıada joldamasynan qaǵyldy.
Sonymen, erler arasynda Reseıdiń úsh, AQSh pen Japonııanyń eki jáne Kanada, Fransııa, Italııa, Qytaı, Grýzııa, Shveısarııa, Estonııa, Belarýs, Latvııa, Chehııa, Meksıka, Ýkraına, Shvesııa jáne Izraıldiń bir saıypqyrany óner kórsetedi. Áıelder saıysynda Reseıdiń úsh, AQSh-tyń eki sportshysy baq synaıdy. Sondaı-aq, jarys jolyna shyǵatyndar qatarynda Belgııa, Jponııa, Aýstrııa, Ońtústi Koreıa, Ázirbaıjan, Kanada, Estonııa, Shvesııa, Nıderland, Bolgarııa, Germanııa, Grýzııa, Qytaı, Chehııa, Ulybrıtanııa jáne Fınlıandııanyń arýlary bar.