Jappaı ekpe alyp jatyr

Máselen, óńirde 18 jas­tan asqan 582 myń tur­ǵyn­dy koronavırýs ınfeksııa­syna qarsy ekpemen qamtý josparlansa, qazirgi tańda aımaqtaǵy 460 652 azamat, ıaǵnı 80 paıyzǵa jýyq tur­ǵyn vaksına qabyldaǵan. So­nymen qatar qaýipti indet­pen kúresti jalǵastyrý maq­satynda oblysta áli de vak­sına salý ju­mystary júr­gizilýde.

Oblystyq densaýlyq saq­taý basqarmasynyń basshysy Áset Qalıevtiń aıtýynsha, óńirdegi 23 medısınalyq uıym­­da 43 egý pýnkti bar. Onyń ishinde 15 pýnkt Ta­raz qalasynda bolsa, qal­ǵan 28 pýnkt aýdandarda or­na­las­­qan. Al qyrkúıek aıyn­­da qa­ýip­ti indettiń 19 533 jaǵda­ıy tir­kelse, pnev­­monııamen 7 299 adam aýyr­ǵan. Sonymen qatar koronavırýs indetin bir táýlikte 53 azamat juqtyrǵan bolsa, al pnevmonııaǵa 14 tur­ǵyn shaldyqqan.

«Qa­zirgi jaǵdaıǵa sáıkes, ınfek­sııa­lyq stasıonarlarda 630, reanımasııalyq tósektik oryndarda 81 naýqas jatyr. Ka­rantındik stasıonarǵa 9 adam ornalastyrylǵan. Olar­dyń densaýlyq jaǵ­daıla­ry tu­raq­ty baqylaýda», dedi Á.Qalıev.

Bıyl 1 aqpannan bas­tap oblysqa 57 070 doza QazCovid-in otandyq vaksınasy, 341 700 doza Spýtnık V ekpesiniń birinshi kompo­nenti jáne 316 070 doza ekinshi kom­ponenti, sondaı-aq, 60 myń doza Hayat Vax kelgen. So­­nymen qatar, 34 myń doza Ko­ronaVak, 124 myń doza Vero Sell Sınofarm vak­sı­na­lary da jetkizilipti. Bú­­ginde otandyq ekpeniń ­1 063, Spýtnık V ekpesiniń birinshi komponentiniń 335, al, ekinshi komponentiniń 42 225 dozasy qalǵan. Al, Sınofarm ekpesinen 17 096 doza bar eken.

«Jam­byl ob­ly­sy negizinen klı­­mattyq-geo­grafııalyq or­na­lasý erekshelikterine baı­la­nysty ınfeksııalyq aýrý­lardyń, onyń ishinde asa qaýipti aýrýlardyń birneshe túrleriniń paıda bolý já­ne taralý qaýpi joǵary óńir­ge jatady. Juqpaly aýrý­lar adamzattyń oǵan qar­sy kúrestegi aıqyn jetis­tik­terine qaramastan, qa­zir­gi qoǵam úshin eń úl­ken qa­ýip­terdiń biri bolyp tur. Byl­tyr barlyq eldi qam­tyǵan ko­ronavırýs indeti aýrýy men ólim-jitimniń taralý jyl­damdyǵy oǵan aıqyn dálel. Qaýipti indet álemge tez tara­lyp, ekonomıkaǵa zııan kel­tirdi, kúndelikti ómir yrǵa­ǵyn buzyp, dúrbeleń týdyr­dy. Densaýlyq saqtaý sala­synyń máselelerin ash­ty», dedi basqarma basshysy.

Jambyl oblysy