France Football jýrnaly «Altyn doptyń» qashan beriletinin habarlady, dep jazady Egemen.kz.
Is-shara 29 qarasha kúni Parıjde ótedi. Al «Altyn dopqa» úmitker fýtbolshylardyń tizimi 8 qazan kúni shyǵady.
2020 jyly pandemııaǵa baılanysty «Altyn dopty» tabystaý sharasy ótpegen bolatyn. Osyǵan deıin France Football 2021 jyly eki birdeı júldeni tapsyrady degen aqparat shyqqan.
Keıbir derekkózderdiń aqparaty boıynsha, 2020 jylǵy «Altyn dopty» Robert Levandovskı alady degen boljam bar.
Al shilde aıynda Goal.com basylymy 2021 jylǵy «Altyn dopqa» úmitker fýtbolshylardyń tizimin jarııalaǵan. Ol tizim boıynsha argentınalyq shabýylshy Lıonel Messı kósh basynda turǵan. Al «Bavarııa» shabýylshy Robert Levandovskı men «Chelsı» qorǵaýshysy N'Golo Kante úzdik úshtikke engen.