Qýatyn arttyrýda

Kásiporyn 2005 jyly azot-túk zaýytynyń múliktik kesheni negizinde qurylǵan bolatyn. Búginde munda 1 267 qyzmetker jumys isteıdi. Zaýyt jylyna 200 myń tonna ammıak, 360 myń tonna azot qyshqyly jáne ammıak selıtrasyn, sondaı-aq 916 mln tekshe metr gaz óndiredi.

Ammıak selıtrasy aýyl sha­rýa­shylyǵy taýar óndirý­shi­leri men taý-ken, atom, metallýr­gııa ónerkásibi kásiporyndary ara­synda úlken suranysqa ıe. Mań­ǵystaý óńirindegi iri eksporttaý­shy sanalatyn kompanııanyń ónim­deri Reseı, Ýkraına, О́zbek­stan, Qyrǵyzstan, Grýzııa jáne Ázer­­baıjanǵa eksporttalady. О́t­­ken jyly «QazAzot» ishki na­ryq­­tyń 45 paıyzyn (252 myń tonna ammıak selıtrasy) qamtyǵan.

Bıyl kásiporyn suıyq ammıakty tasymaldaýǵa arnalǵan 30 vagon-sısternany satyp alý jáne paıdalaný jobasyn iske qosty. Árbir vagon-sısterna 56 tonna júkti kóteredi. Jobanyń quny – 711 mln teńge.

Ammıak – hımııa ónerkási­bindegi mańyzdy ónimderdiń biri. Bul mıneraldy tyńaıtqyshtar men quramynda azot bar kóptegen ónerkásiptik zattar óndirisinde shıkizat retinde qoldanylady.

«QazAzot» kompanııasy bas dırektorynyń ekonomıka jáne qarjy jónindegi orynbasary Aıjan Balabatyrovanyń aıtýynsha, bıyl kompanııa 360 myń tonna ammıak selıtrasyn shyǵarýdy kózdep otyr. Keler jylǵy jospar – óndiris qýatyn 400 myń tonnaǵa deıin arttyrý.

Sonymen qatar bul kompanııa Qoldau.kz saıtynda alǵash­qylardyń biri bolyp tyńaıt­qyshtardy onlaın sata bastady. Búginde «QazAzot» jańa tehnologııalar qarqyndy túrde engizilip jatqan kásiporyndardyń qatary­na jatady. Munda eskirgen jab­dyqtardy josparly aýystyrý jumystary júrgizilýde. Ener­getıkalyq qaýipsizdikti qamta­ma­syz etý maqsatynda kásip­oryn­da gaz porshendi elektr stan­sasy salynǵan.

2020 jyly QazIndustry qazaq­standyq ındýstrııa jáne eksport ortalyǵy Indýstrııa jáne ınfraqurylymdyq damý mı­nıstr­liginiń tehnologııalyq pro­sesterdi jetildirý jáne bilikti sheteldik jumys kúshin tartý sheń­berinde eńbek ónimdiligin art­tyrý jelisi boıynsha kom­pa­­nııa­nyń shamamen 27 mln teń­ge­sin ótep berdi. Bul soma kásip­oryndy odan ári damytýǵa jáne onyń turaqty deńgeıin qoldaýǵa baǵyttalǵan.

Esterińizge sala keteıik, QazIndustry Indýstrııa jáne ınfra­qurylymdyq damý mı­nıstr­liginiń jelisi boıynsha ın­­dýstrııalandyrý baǵdar­la­masy aıasynda eńbek ónimdili­gin arttyrýǵa baılanysty óńdeý salasy kásiporyndary shy­ǵyn­dary­nyń bir bóligin óteı­di. Kásip­orynnyń quzyrettiligin arttyrýǵa, tehnologııalyq pro­ses­terdi jetildirýmen jáne ón­diristi uıymdastyrý tıim­di­ligin eseleýge baılanysty ın­dýstrııalyq-ınnovasııalyq jo­banyń keshendi josparyn ázir­leýge, saraptaýǵa jumsalǵan shy­­­ǵyndardyń 40 paıyzǵa deıingi bóligi óteledi.