Kúzde koronavırýs juqtyrǵan naýqastardaǵy sımptomdar onyń aldynda juqtyrǵandardan basqasha jáne kóbine tumaýdyń belgilerine uqsas bola bastaǵan, dep habarlaıdy Egemen.kz.
Bul týraly RIA Novostı málimdedi.
Dárigerlerdiń sózinshe, vırýs juqtyrǵan naýqastardyń dene qyzýy tumaý juqtyrǵan kezdegideı, biraq uzaǵyraq sozylýy múmkin.
Medısına qyzmetkerleri endi koronavırýs juqtyrǵandarda tumaý, tamaqtyń aýyrsynýy jáne qyshýy sekildi belgiler baryn aıtady.
Sondaı-aq mamandar aýyr nevrologııalyq belgiler týraly eskertti: naýqastardyń basy aınalyp, basy aýyrsynyp, álsizdik baıqalǵan. Ornynan birden turatyn kezde naýqas talyp qalýy múmkin. Bul belginiń bári ekinshi kúni baıqalyp, birneshe aptaǵa sozylýy múmkin.
Dárigerlerdiń sózinshe, burynǵy sımptomdar da baıqalǵan. Mysaly as qorytýdyń buzylýy, ish aýyrsynýy, sondaı-aq, loqsý men qusý.
Feldsherler odaǵynyń basshysy jáne jedel járdem qyzmetkeri Dmıtrıı Belıakov muryn bitýi koronavırýstyń jańa sımptomyna aınalǵanyn aıtyp otyr.