Qazaqstandyq bylǵary qolǵap sheberi Jánibek Álimhanulynyń (10-0-0, 6 KO) kelesi qarsylasy anyqtaldy, dep habarlaıdy Egemen.kz.
BoxingScene basylymynyń habarlaýynsha, ol 37 jastaǵy fransýz, orta salmaqtaǵy WBA jáne WBO boıynsha eks-chempıon Hassan N'Dam N'Jıkamǵa qarsy shyǵady. Jekpe-jek 10 raýndqa eseptelgen. Olar Las-Vegasta 5 qarasha kúni ekinshi jartylaı jeńil salmaqta WBO chempıony Mıkael Maıer men IBF belbeýiniń ıegeri Maıva Hamadýsh anderkartynda kúsh synasady.
Aıta keteıik, 29 jastaǵy Jánibek Álimhanuly sońǵy jekpe-jegin maýsym aıynda Las-Vegasta AQSh-tyń burynǵy chempıon Rob Brantqa qarsy ótkizip, ýaqytynan buryn jeńiske jetken. Al N'Jıkam maýsym aıynda Fransııada vengrııalyq Gabor Gorbıchti upaı sany boıynsha jeńgen.