Atyraý oblysynda koronavırýs ınfeksııasynan 710 adam úıinde emdelip jatyr, dep habarlaıdy Egemen.kz.
Oblystyq densaýlyq saqtaý basqarmasy baspasóz qyzmetiniń málimetinshe, ótken táýlikte – 1 qazanda 56 adam koronavırýs ınfeksııasyn juqtyrǵan. Onyń ishinde Atyraý qalasynda anyqtalǵan 32 naýqas bar. Sondaı-aq, Teńiz ken ornynda – 4, Qurmanǵazy aýdanynda – 8, Qyzylqoǵada – 5, Inderde – 4, Jylyoıda – 2, Isataı aýdanynda 1 adam qaýipti vırýsqa shaldyqqan.
«Qazir koronavırýs ınfeksııasynan emdelý úshin 710 adam úı jaǵdaıynda oqshaýlandy. Al, modýldik aýrýhanada – 120, №2 oblystyq aýrýhanada – 55, Teńiz ken ornyndaǵy stasıonarda – 82, aýdandardaǵy ınfeksııalyq stasıonarlarda 41 naýqas emdelip jatyr. О́tken táýlikte qaýipti vırýstan 97 pasıent emdelip shyqty» dep habarlady basqarmanyń baspasóz qyzmeti.