Qazaqstan quramasy fýtzaldan álem chempıonatynda 3-oryn úshin talasta Brazılııaǵa ese jiberdi, dep jazady Egemen.kz.
Fýtzalda Brazılııa tájirıbeli quramanyń biri sanalady. Atalǵan qurama álem chempıonatynda bes dúrkin chempıon ataǵyn jeńip alǵan. Eki qurama tartysty oıyn ótkizdi. Nátıjesinde oıynnyń 12-mınýtynda qazaqstandyq fýtzalshylar qarsylastar qaqpasy mańynda shabýyl uıymdastyrdy. Ol brazılııalyq qaqpashy Gıttaǵa tıip, avtogol soǵyldy. Osylaısha birinshi kezeńnen keıin Qazaqstan quramasy qarsylasynan 1:0 esebimen basym tústi.
Ekinshi kezeńde tartysty jekpe-jek odan ári órbidi. Oıynnyń 25-mınýtynda qazaqstandyq quramadan Taınan oılamaǵan jerden óziniń qaqpasyna gol soǵyp aldy. Ol 31-mınýtta qarsylastar qaqpasyna gol soǵyp, qaıtadan Qazaqstan quramasy alǵa shyqty. Degenmen odan keıin brazılııalyqtar qatarynan Rodrıgo 32, Ferrao 34, Le 35-mınýttarda kózdegen nysanadan múlt ketken joq. Qazaqstan qarsylasynan 2:4 esebimen jeńilip qaldy. Nátıjesinde Brazılııa álem chempıonatynyń qola júldesine qol sozdy. Qazaqstan tórtinshi orynǵa turaqtady.
Sondaı-aq, búgin fınalda Portýgalııa jáne Argentına quramalary sheberlik baıqasady. Kezdesý elorda ýaqytymen 22:50-de bastalyp, «Qazsport» telearnasynan tikeleı efırde kórsetiledi. Eske salsaq, toptyq kezeńde Qazaqstan quramasy Kosta-Rıkadan 6:1, Lıtvadan 3:0 esebimen basym bolsa, Venesýelamen 1:1 esebimen teń oınady. Odan keıin 1/8 fınalda Taılandtan 7:0 esebimen basym túsip, shırek fınalda Irandy 3:2 esebimen súrindirdi. Al jartylaı fınalda Portýgalııamen overtaımda 2:2 esebimen teń túsip, penaltı tebýde qarsylasyna jol berdi.
Qazaqstan quramasy budan buryn álem chempıonaty fınaldyq satysynda eki márte baq synady. 2000 jyly birinshi kezeńnen asa almasa, 2016 jyly 1/8 fınalǵa deıin jetti.