12 adam Aýǵanstan astanasynda bolǵan jarylystyń qurbany boldy. Jaraqat alǵandar bar, dep habarlaıdy Egemen.kz.
Euronews basylymynyń habarlaýynsha, oqıǵa jeksenbi kúni Kabýl meshitiniń biriniń janynda boldy. Onda «Talıban» kóshbasshylarynyń biri anasynyń ólimine baılanysty aza tutý rásimin ótkizip jatqan.
Ázirge shabýyl úshin jaýapkershilikti eshkim moınyna alǵan joq. «Talıban» ókilderi úsh kúdiktini ustady.
Bul tamyz aıynyń sońynan beri Kabýlda bolǵan aýqymdy jarylystan keıingi iri terakt bolyp otyr.
«Talıban» qozǵalysy birneshe apta buryn Aýǵanstanda bılikti basyp aldy, endi olar eldegi qaýipsizdikti qamtamasyz etýge qabilettiligin kórsetýi kerek.