Rýmyndyq mıllıarder Den Petreský Italııanyń Mılan túbinde keshegi ushaq apatynan qaza tapty, dep habarlaıdy Egemen.kz.
Ushaq apatynan 68 jastaǵy Petreskýdan basqa, onyń 65 jastaǵy áıeli, 30 jastaǵy uly jáne taǵy bes adam, onyń ishinde bir jastaǵy bala da qaza tapty.
Rýmynııanyń «Adevarýl» gazetiniń habarlaýynsha, ázirleýshi bolǵan Petreskýdiń múlki shamamen 3 mıllıard eýroǵa baǵalanǵan jáne ol Rýmynııadaǵy eń baı adamdardyń biri bolyp sanalǵan.
Petreský sonymen qatar Germanııa azamattyǵyn da alǵan.
Ol ushaqty 2015 jyly «Dınamo Býharest» fýtbol komandasynyń burynǵy aksıoneri Vova Koenmen birge satyp alǵan.
Eske sala keteıik, 3 qazanda Italııanyń soltústigindegi San-Donato Mılaneze qalasynda Mılan Lınate áýejaıynan Sardınııa aralyna qaraı baǵyt alǵan shaǵyn jeke ushaq apatqa ushyrady.