Derttiń beti qaıtqanymen...

Jalpaq álemdi indet qýsyr­ǵa­ly eldi koronavırýs sheń­gelinen qalaı aman alyp qalamyz degen suraq kún tártibinde. Halyq ara­synda aqparattyq túsindirý j­u­mys­tary udaıy júrgizilýde.

Indet bastalǵany oblys­ta koronavırýs ınfeksııasymen aýrý­dyń 40 myńnan astam oqı­ǵa­sy tirkeldi. Onyń 83 paıyzy bıyl oryn alyp otyr. Indettiń sal­darynan 397 adam qaıtys boldy. Onyń ishinde 2020 jyly 109 naý­qastyń ómirden ozǵanyn aıta kete­lik.

О́ńirde koronavırýs ınfek­sııa­­syna múmkindiginshe tosqa­ýyl qoıylýda. Osyndaı jumys­tar­dyń nátıjesinde bıyl qyr­kú­ıek aıynyń 30-y kúni óńir jasyl aı­maqqa kóshti. Tamyz aıynda in­detke shaldyǵý kórsetkishi 0,9 pa­ıyzǵa tómendedi. Sonymen qa­tar aýrýhanalardaǵy adamdar sany da kemidi. Shilde aıyn­da 1 425 adam aýrýhanalarda em qabyldasa, búginde bul kór­set­kish 410 adamǵa azaıdy. Jan saq­taý bólimshesinde jatqan aýyr naýqastar da burynǵydaı kóp emes. Naqtyraq aıtsaq, 50 pa­ıyzǵa kemidi. Tamyz aıynda ob­lys­tyń aýrýhanalarynda 115 adam jan saqtaý bólimshelerinde jat­sa, sońǵy aıda 57 adam em qa­byl­daýda.

Naýqastar sanynyń azaıýy aýrýhanadaǵy júktemeni úsh ese tó­m­endetýge múmkindik berip otyr. Búginde óńirdegi indet sheń­geline ilikken naýqastar 17 juq­paly aýrýlar aýrýhanasynda em-dom qabyldaýda. Qaýiptiń beti qaıt­qanymen, qamsyz otyrýǵa ta­ǵy bolmaıdy. Qazirgi kúni aýrý­­hanalarda 2,5 myń tósektik oryn da­ıyn. Onda barlyq jaǵdaı jasalǵan.

– Densaýlyq saqtaý sala­synyń materıaldyq-tehnı­ka­lyq bazasyn jaqsartý úshin res­­pýb­lıkalyq jáne oblystyq bıýd­­jetten 1,5 mlrd teńge qara­jat bólinip, 221 dana medı­sı­­na­lyq qural-jabdyqtar alyn­dy, – dedi oblys ákiminiń oryn­basary Aına Ermekqyzy, – bú­gin­gi kúni oblystyń medısına uıym­darynda 447 jasandy tynys alý apparaty bar.

Oblysta 147 mobıldi brıgada turaqty jumys isteýde. Sa­laǵa zaman talabyna saı ser­pin berý úshin 8 otandyq jyl­jymaly medısınalyq keshen satylyp alyndy. Bul keshender 8 aýdannyń halqyna qyzmet etedi. Buǵan deıin de dál osyndaı 3 keshen bolǵan. Jańalary qosylǵan soń medısına qyz­met­kerleriniń qoly uzaryp qaldy. Sala qyzmetkerlerin kó­lik­pen qamtamasyz etý de bir­shama oń jolǵa qoıylǵan. Indet bastalǵaly 2,5 mlrd teńgege 58 sanıtarlyq avtokólik alyndy. Dári-dármekpen qamtamasyz etýge de udaıy kóńil bólinýde. Bul oraıda qazir jetispeýshilik joq dep aıtýǵa ábden bolady.

– Oblysta eki aıǵa jetetin dári-dármek qory bar, – dedi Aına Ermekqyzy, – indet bas­tal­ǵaly oblystaǵy medısına meke­melerine jalpy quny 915 mln turatyn 85 túrli dári-dármek jet­kizildi. Onyń ústine jeke dári-dármek qory qa­lyptastyrylýda. Buǵan jer­gi­likti bıýdjettiń qar­jysy jum­­salýda. Eń qajetti dári-dár­­mek qory jasaldy. Em­ha­na­lar arqyly halyqqa qol­je­tim­di bes túrli dári-dármektiń qa­­jetti mólsheri qamtamasyz etil­di. Turaqtandyrý qoryna qo­symsha 500 mln teńge qarajat qarastyrylǵan. Qazir oblystaǵy dárihanalarda adamdardy indet­ten arashalap alyp qalýǵa septigin tıgizetin dári-dármektiń bári bar. Aıtpaqshy, óńirde 352 dárihana jumys isteıdi. Olar «Amanat», «Gelıka», «StoFarm», «Arsha» tárizdi dári-dármek jetkizetin iri ujymdarmen kelisimshart ja­sady.

Barlyq medısına qyzmet­ker­le­ri jeke qorǵanys quraldarymen qamtamasyz etilgen. Qazir medı­sı­nalyq betperde, qolǵap, arnaıy kostıýmder tárizdi qorǵanys qu­raldary jetkilikti. 8 zerthana úzdiksiz jumys istep, bir táýliktiń ishinde 3 myńǵa jýyq test qorytyndysyn taldaıdy. Jaman tumaýmen birge kúz aılarynda paıda bolatyn tumaý tárizdi juqpaly aýrýdyń aldyn alýǵa da daıyndyq jumystary jasalýda.

Bilim salasyndaǵy indettiń aldyn alýǵa baılanysty qoıyl­ǵan suraqqa oblystyń bas sanı­tar­lyq dárigeri Aınagúl Mýsına jaýap berdi.

– Jańa oqý jyly bastalǵaly óńirdegi bilim oshaqtaryndaǵy ahýal basty nazarda. Eger synyp­ta­ǵy bir bala aýyrsa, onda túgel synyp jáne ata-analary da o­qshaý­l­anady, – dedi Aınagúl Sovetqyzy.

Indettiń aldyn alýǵa baılanysty qyrýar jumys atqaryldy. Sońǵy aptada ǵana oblystaǵy 360 nysan qaýipsizdik sharalaryn saqtaýǵa baılanysty tekserilip, tártip buzýshylyqtyń 15 oqıǵasy anyqtaldy. Qaýipsizdik sharalaryn saqtamaǵan nysan ıelerine jalpy kólemi 700 myń teńgege jýyq 10 ákimshilik aıyppul salyndy. Indettiń aldyn alýǵa Ashyq platformasynyń septigi tıip otyrǵanyn aıta ketýge bolady.

Sary aımaqqa kóshkenimizben saqtyq sharalaryn qaperden shyǵarmaǵan lázim. Onyń eń basty sharty der kezinde turǵyndardyń ekpe ektirýi. Bul oraıdaǵy ob­lys­taǵy kórsetkish sońǵy aptada 1,5 ese ulǵaıdy. Oblys jurt­­shylyǵynyń ekpe ektirip, óz den­­saýlyqtaryna muqııat bo­lý­­yna der kezinde júrgizilgen úgit-nasıhat sharalarynyń áseri tıip otyr. Ekpe ektirý isine qo­ǵam­da ózindik salmaǵy bar, sózi ýáli tulǵalarmen qatar, medısına salasynyń tájirı­beli ma­mandary, jastar qozǵa­ly­sy­nyń belsendileri úles qosý­da. Áleýmettik jelilerde oń sıpattaǵy taldamaly túsinik ju­mys­tary úzbeı júrgizilýde. Osy oraıda áleýmettik jelilerde 7 myńnan astam, al oblystyq jáne aýdandyq buqaralyq aqparat qu­ral­darynda myńǵa jýyq maqa­la­lar jarııalanǵan.

Búginde ekpeniń alǵashqy kom­ponentin 300 myńǵa jýyq adam nemese ekpe alýǵa tıisti tur­ǵyndardyń 69 paıyzy aldy. Al ekinshi komponentti 250 myń adam nemese halyqtyń 61 paıyzy qabyldap úlgerdi. Bul másele jergilikti atqarýshy bıliktiń na­zarynda. Sońǵy aıda ekpe ege­tin oryndardyń sany bes ese kóbeıdi. Shalǵaı aýyldarda 11 jyljymaly medısınalyq keshen jumys isteýde.

Kókshetaý qalasy tur­ǵyn­darynan túsken ekpe egý kezin­de densaýlyq saqtaý salasy qyz­met­kerleriniń óz jumysyna sal­ǵyrt qaraýy týraly shaǵymǵa oblystyq densaýlyq saqtaý bas­qar­masynyń basshysy Narıman Syzdyqov «Árbir adamnyń dene qyzýy, jalpy jaǵdaıy muqııat tek­serilýi kerek. Aldaǵy ýaqytta bul jaǵdaılarǵa erekshe kóńil aýdaratyn bolamyz» dep jaýap berdi.

Indettiń beti qaıtqanymen, qaıta órshýine jol bermeý úshin saq­tyq sharalaryn esten shy­ǵa­rý­ǵa bolmaıdy.