CIZ NE DEISIZ?

ShEGIRTKEMEN KÚRESKE DE TENDER JARIIаLANDY Kóp keshikpeı kóktemgi egis jumystary bastalmaq. Osy oraıda astyq ósirýshilerge kedergi keltiretin jáıtter de jetkilikti. Sonyń biri – shegirtke. Jolyndaǵysyn jaıpap júre beretin bul jándikke alys-jaqyn shekara degenińiz túk te emes. О́ńirdegi bıylǵy jaǵdaı qalaı, shegirtke boı bermeı ketip júrmeı me? “Egemen Qazaqstannyń” Batys Qazaqstan oblysyndaǵy tilshisi Temir Qusaıyn Batys Qazaqstan oblystyq aýmaqtyq ınspeksııasy ósimdik qorǵaý bóliminiń bastyǵy Faızolla Tólegenovke: – Siz buǵan ne deısiz? – Aqjaıyq aımaǵynda kez­de­setin shegirtkeler negizinen úıirli jáne saıaq bolyp ekige bó­linedi. 2008 jyldan beri oblys aýmaǵynda aýyl sharýashylyǵy daqyldaryna, shabyndyq pen jaıylymǵa shashetekten zııan keltiretin saıaq shegirtke kóbeıip keledi. О́tken jyly kúzde júr­gizilgen zertteýler nátıjesinde bıyl oblys boıynsha saıaq she­girtkeler kóp jaılaǵan 62,5 myń gekter aýmaqty hımııalyq óń­deýden ótkizý qajet bolyp tur. Bul úshin oǵan oblystyq bıýd­jetten 30 mıllıon teńge bó­lin­di. Osyǵan oraı oblystyq aýyl sharýashylyǵy basqarmasy saıaq shegirtkege qarsy kúres shara­la­ryn alý úshin memlekettik satyp alý jóninde tender jarııalady. Respýblıkalyq fıtosanı­tarııalyq zertteý jáne boljaý ádistemelik ortalyǵy memleket­tik basqarmasynyń oblystyq bólimshesi osy kúnderde kóktemgi zertteý jumystaryn júrgizýde. Shalǵaıdaǵy Bókeı ordasy, Ja­ńaqala aýdandarynda ıtalııalyq prýs kúbirshegi bir sharshy metr­ge 1-10 danamen “qonystanyp­ty”. Onyń ár kúbirsheginen keıin 22-25 jumyrtqa shyǵady. Al shegirtkeniń úıirli túrine kiretin azııalyq nobaıy Jańa­qa­la, Kaztalov aýdandarynda 1 sharshy metrge árqaısysynan kúni erteń 40-60 dernásip shyǵatyn bir-eki kúbirshekten kelip tur. Shegirtke – kún qyza kele kó­beıetin jándik. Osyǵan baılanysty shegirtke jónindegi málimet ózgerip turady. Onyń ústine keıbir aýdandarda bıyl ylǵal mol boldy. Sondyqtan shegirtkeniń kóbeıetin kezi áli alda. Mundaı jaǵdaıda qosymsha kúres sharalary belgilenbek. ORAL.