Táýelsizdiktiń 30 jyldyǵyna oraı «Egemen Qazaqstan» jáne «Kazahstanskaıa pravda» gazetteriniń bastamasymen uıymdastyrylǵan «Atameken» aqparattyq-tanymdyq ekspedısııasy azattyqtyń altyn besigi Almatyda jalǵasyn tapty, dep jazady Egemen.kz.
Atalǵan qos basylymnyń qyzmetkerleri, BAQ-basshylary men jergilikti jýrnalıster qaýymynan jasaqtalǵan ekspedısııa músheleri eń aldymen Respýblıka alańyndaǵy Táýelsizdik monýmentine gúl shoqtaryn qoıyp, táý etti.
Is-shara aıasynda ekspedısııa ókilderi Kók-Tóbe telemunarasy, shyń basyndaǵy Shymbulaq taý shańǵy kýrorty, Medeý muz aıdyny sekildi Almatynyń sımvolyna balanatyn aıshyqty oryndardy, sondaı-aq Boraldaı Saq qorǵandary tarıhı ornyna barýdy, Almaty mýzeıindegi Táýelsizdik deklorasııasyna qol qoıylǵan qundy qujatpen tanysýdy josparlap otyr.
Tarıhty tarazylap, mádenı oryndardyń ótkeni men búgingi kelbetin qalyptaýǵa baǵyttalǵan joba QR Ulttyq kitaphanasynda qorytyndylanady.