QR AQDM qoldaýymen «Úzdik bolashaqty qurý: pandemııadan keıin turaqty qalpyna keltirýge qatysý» taqyrybynda «Eýropalyq Odaq – Ortalyq Azııa» Azamattyq forýmy ótti, dep jazady Egemen.kz.
Sharaǵa 70-ten astam adam, 30-ǵa jýyq Qazaqstan ókili, sonyń ishinde ÚEU kóshbasshylary qatysty. Shaqyrylǵandardyń ishinde EO adam quqyqtary jónindegi arnaıy ókili Eımon Gılmor, EO-nyń Ortalyq Azııa boıynsha arnaıy ókili Terhı Hakala, QR Prezıdentiniń halyqaralyq yntymaqtastyq jónindegi arnaýly ókili Erjan Qazyhan, QR Adam quqyqtary jónindegi ýákili Elvıra Ázimova, QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Lázzat Ramazanova jáne shet memleket ókilderi bar.
QR Prezıdentiniń halyqaralyq yntymaqtastyq jónindegi arnaýly ókili E.Qazyhan azamattyq qoǵam, adam quqyqtaryn qorǵaý, halyqaralyq yntymaqtastyqty damytý salasynda eýropalyq tarappen ózara is-qımyldyń túrli jolyn qarastyrýǵa daıyn bolý bóliginde reforma júrgizý týraly atap ótti. Sonymen qatar óńirlik yntymaqtastyq Qazaqstannyń basty nazarynda ekeni aıtyldy.
«Forým koronavırýstyń jahandyq jaǵymsyz saldarymen kúres jáne azamattyq sektordy qosa alǵanda, barlyq múddeli taraptyń kúsh-jigerin biriktirý aıasynda erekshe ózektilikke ıe boldy.
Qazaqstanda is-sharany ótkizýdiń mańyzdylyǵy azamattyq qoǵamdy damytý jáne adam quqyqtaryn qorǵaý salasynda belsendi jumys júrgizýge negizdelgen», dep jazady AQDM baspasóz qyzmeti.
Sharanyń kún tártibi Qazaqstannyń saıası damýynyń 30 jyldyq jetistikterin atap ótýge, Ortalyq Azııadaǵy yntymaqtastyqqa degen kózqarasty jáne Aýǵanstandaǵy qubylmaly jaǵdaıdy anyqtaýǵa múmkindik berdi.
Úsh taqyryptyq sessııa áleýmettik ıntegrasııa arqyly turaqtylyqty arttyrý, jasyl órkendeý – áıelder men jastardyń ál-aýqatyn arttyrý jáne óńirlik yntymaqtastyq-ekologııalyq problemalardy birlesip sheshý máselelerine arnaldy.
Bul Ortalyq Azııa arenasyndaǵy úshinshi forým. О́tken jyly shara epıdemıologııalyq jaǵdaıǵa baılanysty onlaın formatta ótti.
Uıymdastyrýshylar forýmnyń ómirsheńdigine úlken úmit artady.
EO-nyń Ortalyq Azııa boıynsha strategııasyna sáıkes, azamattyq qoǵam turaqtylyq pen órkendeýdi nyǵaıtýda, sondaı-aq óńirlik yntymaqtastyqty ilgeriletýde mańyzdy ról atqarýǵa tıis.