Qurlyqtyq hokkeı lıgasynyń (QHL) kezekti týrynda Nur-Sultannyń «Barysy» Ombynyń «Avangardyn» qabyldady.
Biraz ýaqyttan beri jeńilisten bas kótermeı, jarys kestesindegi jaǵdaıyn ábden qıyndatyp alǵan jerlesterimizge bul joly jeńis aýadaı qajeti edi. Sol maqsatqa qol jetkizý úshin olar osy joly baryn saldy. Biraq «Avangardtyń» oıynshylary da ońaılyqpen berile qoımaıtynyn áý basta-aq ańǵartyp, qatty qarsylyq kórsetti. Nátıjesinde qos komanda uzaq ýaqyt boıy bir-birin ala almady. Birinshi jáne ekinshi kezeńde olar ábden arpalysty. Biraq esep ashylǵan joq. Tek kezdesýdiń 54-mınýtynda Nıkıta Mıhaılıs qarsylastar qaqpasynan sańlaý tapty – 1:0. Al odan keıin tablodaǵy esep ózgergen joq.
Osylaısha, qatarynan úsh básekede jeńilis tapqan elordalyq hokkeıshiler osy matchta óz jankúıerlerin bir qýantyp tastady.