Nur-Sultanda taǵy bir vaksınasııa pýnkti ashyldy. Azamattardy KVI-ǵa qarsy vaksınasııalaýǵa arnalǵan aımaq Gete kóshesindegi temirjol vokzalynda (eski vokzal) uıymdastyryldy, dep habarlaıdy Egemen.kz.
Vaksınasııa pýnkti ǵımarat kireberisiniń janynda 1 qabatta ornalasqan. Egý pýnktinde, barlyq basqa vaksınasııa pýnkterindegideı, azamattardyń tańdaýyna vaksınanyń úsh túri usynylady: Spýtnık, QazVac, Sinofarm.
Esterińizge sala keteıik, buǵan deıin egý pýnktteri «Nurly jol» temirjol vokzalynda jáne Nursultan Nazarbaev halyqaralyq áýejaıynda uıymdastyrylǵan bolatyn.
Qazirgi ýaqytta qala boıynsha saýda oıyn-saýyq ortalyqtary men saýda úıleri janynda 5 vaksınasııa pýnkti ornalasqan: «Kerýen» saýda oıyn-saýyq ortalyǵy, «Han Shatyr», «Azııa Park», «Abý Dabı Plaza» jáne «Evrazııa» saýda úıinde.