Memleket basshysy Nursultan Nazarbaev respýblıkalyq Ardagerler keńesiniń tóraǵasy Qaıyrbek Súleımenovti qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Q.Súleımenov Prezıdentti Uly Otan soǵysyndaǵy Jeńistiń 65 jyldyǵyn merekeleý qarsańynda ardagerlerge qoldaý kórsetý úshin Qazaqstannyń barlyq óńirlerinde kóp is atqarylǵany týraly habardar etti.
Kezdesý kezinde Qazaqstanda 14376 soǵysqa qatysýshy turatyny atap ótildi. Mereıtoı qarsańynda 300-den astam ardager memlekettik nagradaǵa usynylǵan. Jeńisti atap ótýge arnalǵan saltanatty merekege qatysý úshin 32 qazaqstandyq Máskeýge, soǵysqa qatysýshynyń beseýi Sankt-Peterbýrgke, ekeýi Pragaǵa baratyn boldy. Budan basqa, qaıtys bolǵan qazaqstandyqtardyń týǵan-týystary bolyp keletin 155 otbasy óz ákeleri men atalary jerlengen jerge barýǵa tilek bildirgen. Osy maqsatqa qajetti qarajat bólindi.
Áńgime barysynda Prezıdent birde-bir ardager memleket tarapynan qamqorlyqsyz qalmaýy tıis ekenin erekshe atap ótti.