Máskeý formatyndaǵy Aýǵanstan boıynsha kelesi kezdesý 20 qazanda ótedi. Bul týraly beısenbide jýrnalısterge Reseı Federasııasy Prezıdentiniń Aýǵanstan boıynsha arnaıy ókili Zamır Kabýlov habarlady, dep jazady Egemen.kz.
Onyń aıtýynsha, kezdesýge Talıban qozǵalysynyń ókilderi de shaqyrylady.
Arnaıy ókil sonymen qatar Reseı, AQSh, Qytaı men Pákistannyń qatysýymen Aýǵanstan boıynsha «keńeıtilgen úshtiktiń» otyrysyn ótkizý josparyn jarııalady.
Kabýlovtyń aıtýynsha, kezdesý qazan aıynyń sońyna qaraı ótedi.
Máskeý formatyndaǵy aýǵan máselesi boıynsha kelissózder mehanızmi 2017 jyly Reseı, Aýǵanstan, Qytaı, Pákistan, Iran men Úndistannyń qatysýymen quryldy. Kezdesýler 2017 jáne 2018 jyldary Máskeýde ótken bolatyn.