IBF/IBO nusqalary boıynsha orta salmaqtaǵy qazaqstandyq chempıon Gennadıı Golovkın (41-1-1, 36 KO) rıngke oralýǵa daıyndyǵyn bastap ketti, dep habarlaıdy Egemen.kz.
Ol Instagram áleýmettik jelisindegi paraqshasyna – jattyqtyrýshysy Krıstofer Kamacho, aǵasy Maksım jáne prospekt-sýperorta salmaqtaǵy Álı Ahmedovtiń ortasynda turǵan sýretin jarııalady. Jáne «Jattyǵý lagerine oralǵan qandaı tamasha. Barlyǵyn aman kórgenime qýanyshtymyn» dep jazdy.
GGG-diń kelesi jekpe jegi jeltoqsan aıynyń sońynda Japonııada ótedi dep kútilýde. Onyń qarsylasy WBA Super nusqasy boıynsha ortasha kategorııadaǵy jergilikti álem chempıony Rıota Mýrata bolmaq. Bul Golovkınniń 2020 jyldyń jeltoqsanynan beri ótkizgen alǵashqy jekpe-jegi bolmaq.