Mańǵystaý oblysynda belgilenbegen jerge qoqys tógý faktisi boıynsha 13 quqyq buzýshylyq anyqtaldy, dep habarlaıdy Egemen.kz.
Mańǵystaý oblysy polısııa departamentiniń málimetine súıensek, QR ÁQBtK-niń 505-babyna sáıkes, ıaǵnı qalalar men eldi mekender aýmaǵyndaǵy abattandyrý qaǵıdalaryn buzý, sondaı-aq ınfraqurylym obektilerin buzý, jasyl-jelekterdi joıý jáne búldirý deregi boıynsha 9 ákimshilik hattama toltyryldy.
«Odan bólek ortaq paıdalanatyn oryndardy, saıabaqtardy, skverlerdi lastaý, onyń ishinde belgilenbegen oryndarǵa kommýnaldyq qaldyqtardy tastaǵan 4 adam QR ÁQBtK-niń 434-2-babyna sáıkes ákimshilik jaýapkershilikke tartyldy. Oblys turǵyndarynan qala kórkine zııan keltiretin quqyq buzýshylyqtyń kýási bolsańyz, turǵylyqty jer boıynsha polısııa bólimine habarlasýdy suraımyz», delingen MO Polısııa departamenti paraqshasynda.