Álemniń 43-raketkasy, qazaqstandyq Iýlııa Pýtınseva Indıan-Ýells (AQSh) WTA 1000 týrnıriniń tórtinshi aınalymyna shyǵa almady, dep habarlaıdy Egemen.kz.
Iý.Pýtınseva úshinshi aınalymda álemniń 29-shy, osy jarystyń 24-raketkasy, latvııalyq Elena Ostapenkomen kezdesti. Birinshi partııada latvııalyq tennısshi basymdyq kórsetti – 6:3.
Ekinshisinde Pýtınseva ese qaıyrdy – 6:2. Úshinshi, sheshýshi setti Ostapenko jeńispen aıaqtady – 6:3. Eki saǵatqa jýyqtaǵan tartysty báseke barysynda qazaqstandyq tennısshi 1 eıs jasap, 11 breık-poınttyń beseýin paıdalandy.
Qarsylasy 3 eıs, 6 breıkke (12 breık-poınt) qol jetkizdi, E.Ostapenko shırek fınalǵa shyǵý úshin álemniń 4-raketkasy, Polsha ókili Iga Shventekpen talasady.