PREZIDENT KÝBOGY

“Astana-Arena” jasyl ala­ńyn­daǵy aqtyq fınalǵa 12 myńǵa jýyq jankúıer jınal­dy. Olar­dyń aldynda Serbııa aıaqdop she­berleri Reseıdiń “Zenıt” (Sankt-Peter­býrg) komandasyn 7:0 esebi­men oı­syrata jeńdi. Endi bir reseılik klýb “SSKA” (Máskeý) qola júl­­deni enshiledi. Olar úshinshi oryn úshin tartysy mol bolǵan matchta elimizdiń “Sesna” (Astana) koman­dasynan match sońyn­daǵy penal­tıde 8:7 esebi­men utty. Oıyn­nyń negizgi ýaqy­ty 1:1 esebimen teń aıaqtalǵan bolatyn. Qalǵan júl­delerdi Túr­kııanyń “Gala­ta­saraı”, О́zbek­stannyń “Bý­nNd­kor” (Tash­kent), Ázir­baı­jannyń “Baky” jáne Qytaı­dyń “ShUAR-94” koman­dasy ıelendi. Aqtyq oıynnan keıin júlde­gerlerdi marapattaý rásimi ótti. Ony Qazaqstan Fýtbol federa­sııasynyń bas hatshysy S.Hamıt­janov pen “Nur Otan” HDP Ortalyq apparaty jetekshisiniń birinshi orynbasary Q. Aqsaqalov birlese otyryp júrgizdi. Munda olar Serbııa komandasynyń kapı­tany Marko Pavlovskıge Qazaq­stan Respýblıkasy Prezı­denti­niń kýbogyn tabys etti. Al reseılik “Zenıt” koman­dasy kúmis, “SSKA” qola júldeni qanaǵat tutty. Týrnır qorytyndysynda úzdik qaqpashy dep Danıl Kovalev (“SSKA”), úzdik qorǵaýshy – Ognen Popa­dıch (“Serbııa”), úzdik jartylaı qorǵaýshy– Renat Haı­rýllın (“Ses­na”), úzdik shabýyl­shy– Igor Elın (“Zenıt”), al kórermender yqyla­syna dep Qytaıdyń “ShUAR-94” ko­­man­da­synyń qaqpashysy  Erjet Erzatuly tanyldy. Mergen shabýyl­­shy ataǵyna 8 dop avtory atanǵan ser­bııa­lyq Nıkola Nınko­vıch ıe boldy. Aıta ketetin jáıt, osy týr­nırge 1994 jyldan keıin ómirge kelgen daryndy balalar qatysqan edi. Bul halyqaralyq jarys kele­shekte de jalǵasa bermek, deıdi ony uıymdastyrýshylar. Jandos MEDIMANOV.