Bul kúnderi Taılandtyń Nakhonpathom qalasynda voleıboldan erler arasyndaǵy Azııanyń klýbtyń chempıonaty ótýde, dep jazady Egemen.kz.
Aıtýly jarysta Qazaqstannyń atynan synǵa túsip jatqan Almatynyń «Býrevestnıgi» baq synaýda. Alǵashqy oıynda otandastarymyz Iraktyń «Soýz Gaz Klýbynan» 2:3 esebimen utylyp qalǵan edi. Esesine kelesi eki kezdesýde bizdiń jigitter jeńiske jetip, óz jankúıerlerin qýantty. Atap aıtsaq, ekinshi týrda jergilikti «Nahon Radchasımany» oısyrata utty – 3:0. Keshe Shrı-Lankanyń «SEB» klýbyna san soqtyrdyq – 3:0. Qazirgi kezde almatylyq voleıbolshylar jarys kestesinde kósh bastap tur. Toptyq týrnırdegi sońǵy básekesin «Býrevestnık» 12-qazan kúni Kýveıttiń «Kamzasyna» qarsy ótkizedi.
Kelesi topta Irannyń «Sırjan Foýlad», Katardyń «Ál-Arabı Sports Klýb», Fılıppınniń «Rebısko», О́zbekstannyń «AGMK» jáne Taılandtyń «Daımond Fýd» klýbtary kúsh synasýda.