Jolaýshylar avtobýsy dúısenbi kúni tańerteń Qytaıdyń soltústigindegi Hebeı provınsııasynda ózenge qulady. Oqıǵa saldarynan úsh jolaýshy qaza tapty, taǵy on bir jolaýshy habar-osharsyz ketti, dep habarlaıdy Egemen.kz.
«Qazirgi ýaqytta sýdan 40 adam shyǵaryldy, olardyń úsheýi qaıtys boldy, taǵy 11 adam habar-osharsyz ketti», delingen Qytaılyq BAQ habarlamasynda.
Tótenshe jaǵdaı Shıszıachjýan qalasynda (Hebeı provınsııasy) jergilikti ýaqyt boıynsha saǵat 07:00 shamasynda boldy. Apat kezinde kólik quralynyń salonynda 51 adam bolǵan. Jol-kólik oqıǵasy bolǵan jerde polısııa qyzmetkerleri men qutqarýshylar jumys isteıdi.
Jergilikti BAQ jazǵandaı, avtobýs jaǵaǵa shyǵarylyp, aman qalǵan jolaýshylar emhanaǵa jetkizildi.