Saparlar maqsaty – túsindirý

Parlament Senaty Tóraǵasynyń orynbasary Asqar Beısenbaev, senatorlar Vladımır Bobrov, Ermek Jumabaev, Ashat Kúzekov jáne Májilis depýtaty Meıram Pishembaev Pavlodar oblysynda boldy. Parlament depýtattarynyń sapary Qazaqstan Prezıdenti N.Nazarbaevtyń «Qazaqstan joly – 2050: bir maqsat, bir múdde, bir bolashaq» Joldaýyn túsin­dirý jumystaryna arnaldy. Depýtattar Pavlodarda «Qa­zaqstan elektrolız zaýyty» ak­sıonerlik qoǵamynda bolyp, eń­bek ujymymen kezdesti. Parlamentshiler, sondaı-aq,­ Memleket basshysynyń Joldaýyndaǵy jáne «Nur Otan» partııasynyń HV se­zinde aıtylǵan tapsyrmalary qaralǵan «Nur Otan» par­tııasynyń qalalyq konferensııa­syna qatysty. Joǵarǵy palata Tóraǵasynyń orynbasary óz sózinde Prezıdenttiń halyqqa Joldaýyndaǵy mindetterdi zańnamalyq turǵyda qamtamasyz etý jónindegi josparmen tanystyrdy.   Parlament Senatynyń Halyqaralyq qatynastar, qorǵanys jáne qaýipsizdik isteri boıynsha komıtetiniń tóraǵasy Ikram Adyrbekov bastaǵan depýtattar toby QR UQK Shekara qyzmetiniń akademııasynda bolyp qaıtty. Áskerı ýchılısheniń oqy­tý­shylar quramy men kýrsanttary aldynda senatorlar Qazaqstan Respýblıkasy Prezıdenti Nur­sultan Nazarbaevtyń «Qazaqstan joly – 2050: bir maqsat, bir múdde, bir bolashaq» atty Joldaýyn nasıhattap sóz sóıledi. Prezıdent Joldaýy ınstıtýty jyl saıyn elimizdiń jańa tarıhyn ashatyn saıası dástúrge aınalǵandyǵy atap ótildi.   Parlament Senaty Ekonomıkalyq damý jáne kásipkerlik komıtetiniń tóraǵasy Talǵatbek Abaıdildın Memleket basshysynyń «Qazaqstan joly – 2050: bir maqsat, bir múdde, bir bolashaq» Joldaýynyń erejelerin túsindirý maqsatynda Shyǵys Qazaqstan oblysynda boldy. Aımaqtaǵy jergilikti atqarýshy jáne ókildi bılik ókilderimen kezdesýde depýtat Senattyń zań shyǵarý qyzmeti týraly habardar etti. T.Abaıdildın Memleket basshysynyń baǵdarlamalyq qujattarynda qazaqstandyqtar týraly qamqorlyqqa, olardyń ál-aýqatyn jaqsartýǵa basa nazar aýdarylǵanyn atap ótti.   Senator Eleýsin Saǵyndyqov aımaqtarǵa depýtattyq sapary aıasynda Aqtóbe oblysyndaǵy Alǵa, Mártók, Qarǵaly aýdandarynda boldy. Senator aımaqtaǵy áleý­met­tik nysandardy aralap, In­dýs­trııalyq-pedagogıkalyq teh­nıkýmdaǵy ónerkásip úderis­te­rimen tanys­ty jáne aýyl eńbek­kerlerimen kezdesti. Eńbek ujymdarymen júzdesý barysynda E.Saǵyndyqov Memleket basshysynyń Qazaqstan halqyna Joldaýynyń negizgi erejelerin túsindirdi.   Parlament Senatynyń depýtattary Svetlana Jalmaǵambetova men Jabal Erǵalıev Kókshetaý qalasy ákiminiń halyqqa kezekti esep berýine qatysty. Shahmet Qusaıynov atyndaǵy qazaq drama teatryndaǵy jurtshylyq jáne jastar ókilderimen kezdesýdiń basty taqyryby Memleket basshysy Joldaýynyń tarıhı mańyzy boldy. «Máńgilik El týraly Elbasy 2013 jylǵy Joldaýda alǵash ret aıtqan bolatyn. Al bul jolǵy Joldaýda Qazaqstannyń 2050 jylǵa deıingi damý strategııasy týraly aıta kelip, Nursultan Nazarbaev keleshekte oǵan qol jetkizýdegi baǵyt-baǵdarymyz ben maqsat-mindetimizdi kórsetti», dep atap ótti senatorlar.   Senator Sergeı Plotnıkov Shyǵys Qazaqstan oblysynda Qazaqstan Prezıdentiniń «Qazaqstan joly – 2050: bir maqsat, bir múdde, bir bolashaq» Joldaýyn túsindirý jumystaryna atsalysty. Depýtat Shyǵys Qazaq­standaǵy Aýyl sharýashylyǵy ǵylymı-zertteý ınstıtýtynyń ujymymen kezdesti. S.Plotnıkov sapary aıasynda oblys ákimi, «Báıterek» holdınginiń basshylary men óńir kásipkerleri qatysqan otyrysqa, sondaı-aq, О́nerkásipshiler men kásip­kerlerdiń Shyǵys Qazaqstan assosıasııasy dırektorlar keńesiniń kóshpeli otyrysyna qatysty, dep habarlady Senattyń baspasóz qyzmeti.   Parlament Májilisiniń depýtaty – «Nur Otan» partııasy fraksııasynyń múshesi Ulasbek Sádibekov Ońtústik Qazaqstan memlekettik pedagogıkalyq ınstıtýtynda professor-oqytý­shy­lar quramymen jáne stýdent jastarmen kezdesý ótkizdi. Kezdesý barysynda N.Nazar­baev­tyń Qazaqstan halqyna ar­naǵan «Qazaqstan joly – 2050: bir maqsat, bir múdde, bir bolashaq» Joldaýynyń el damýyndaǵy mańyzdylyǵy aıtylyp, Jol­daý jan-jaqty túsindirilip, talqy­lanyp, nasıhattaldy.   Parlament Májilisiniń depýtaty Ásıma Bımendına Astana qalasynyń kásiptik jáne tehnıkalyq bilim berý mekemeleriniń stýdentterimen kezdesti. Jastarmen júzesýde «Nur Otan» partııasynyń 15 jyldyǵyna oraı partııa doktrınasynyń negiz­gi baǵyttary túsindirilip, Elba­sy Nursultan Nazarbaevtyń «Qa­­zaq­stan joly – 2050: bir maq­sat, bir múdde, bir bolashaq» atty Qazaqstan halqyna Joldaýy talqylandy.   Parlament Májilisiniń depýtaty Romın Mádınov Petro­pavl qalasynda «Nur Otan» partııasy oblystyq fılıaly­nyń qoǵamdyq qabyldaý bóliminde azamattardy qabyldady. N.Nazarbaevtyń Qazaqstan halqyna arnaǵan «Qazaqstan joly – 2050: bir maqsat, bir múdde, bir bolashaq» Jol­daýynyń el damýyndaǵy mańyz­dylyǵyna toqtalǵan depýtat, Joldaýdy jan-jaqty túsindirip, nasıhattady. Múmkindigi shek­teýli adamdardy qoldaý máselesi boıynsha jumys tobynyń oty­rysynda, múgedekter qoǵam­dyq birlestiginiń ókilderi bir­qa­tar túıindi máseleler men usy­nystardy aıtty.   Parlament Májilisiniń depýtattary Ersultan Bekturǵanov pen Janat Jarasov «Nur Otan» partııasynyń Pavlodar oblysyndaǵy Baıanaýyl aýdandyq fılıalynda qoǵamdyq qabyldaý júrgizdi. Qabyldaý barysynda Elbasy N.Á.Nazarbaevtyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýynda kórsetilgen memleket pen qoǵam damýynyń negizgi basym baǵyttary jóninde áńgime boldy.   Parlament Májilisiniń depýtaty, «Aq jol» QDP fraksııasynyń múshesi Merýert Qazbekova Aqmola oblystyq «Medıa-ortalyǵynda» oblystyq ishki saıasat, kásipkerlik jáne ónerkásip basqarmalarynyń qoldaýymen «Ult baǵamy» baǵdarlamasy aıasynda kásipkerler men úkimettik emes uıym ókilderimen jáne «Qazaqstan – Kókshetaý» telearnasynyń jýrnalısterimen kezdesti. Kezdesýdiń basty taqyryby Elbasy N.Á.Nazarbaevtyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Jol­daýyn túsindirip, nasıhattaý bol­dy. Depýtat jınalǵandarǵa Jol­daýda kórsetilgen memleket pen qoǵam damýynyń negizgi basym ba­ǵyttary jóninde baıandady.   Parlament Májilisiniń depýtaty Gúlmıra Isimbaeva Almaty qalasynyń Alataý aýdanyndaǵy О́jet shaǵyn aýdanynyń turǵyndarymen kezdesý ótkizdi. Ol Prezıdent N.Á.Nazar­baev­tyń «Qazaqstan joly – 2050: bir maqsat, bir múdde, bir bo­la­shaq» atty Qazaqstan halqyna Jol­daýyn­da kórsetilgen memleket pen qoǵam damýynyń negizgi basym­ ba­ǵyttary jóninde túsindirip berdi, dep habarlady Májilistiń baspasóz qyzmeti.