Bul týraly búgin ótken Úkimet otyrysynda Ulttyq ekonomıka mınıstri Áset Erǵalıev habarlady, dep jazady Egemen.kz.
Onyń aıtýynsha, munaı-gaz-hımııa zaýytyn 2025 jylǵa qaraı paıdalanýǵa berý josparlanyp otyrǵan kórinedi.
Osylaısha, óńdeý ónerkásibiniń joǵary tehnologııalyq ónimderin shyǵarýǵa jol ashylady.
Energetıkalyq keshendi belsendi jańǵyrtý arqyly elektr energııasyn óndirýdiń jalpy kólemindegi jańartylatyn energııa kózderiniń úlesi 6%-ǵa jetedi. Qabyldanǵan sharalar nátıjesinde óńdeý ónerkásibi ónimderiniń óndirisi 1,5 esege artady. Shıkizattyq emes eksport 2 esege ulǵaıyp, 2025 jyly 41 mlrd dollardy quraıdy, dep atap ótti Ulttyq ekonomıka mınıstri.
Sonymen qatar shıkizattyq emes sektordyń negizgi kapıtalyna ınvestısııalardy 75% arttyrý da josparda bar.
Nátıjesinde ekonomıkadaǵy eńbek ónimdiligi 1,2 esege ósedi. Energetıkalyq keshendi jańǵyrtý esebinen 2000 megavatt jańartylatyn energııa kózderiniń qosymsha qýattaryn iske qosý júzege asyrylatyn bolady, dedi Áset Erǵalıev.