Qańtar-qyrkúıek aılary aralyǵynda memlekettik bıýdjetke 7,9 trıllıon teńge túsken. Bul týraly QR Qarjy mınıstri Erulan Jamaýbaev Úkmitettiń kezekti otyrysynda aıtty, dep habarlaıdy Egemen.kz.
Mınıstrdiń aıtýynsha, 9 aı ishinde memlekettik bıýdjetke 7 trıllıon 912 mıllıard teńge kóleminde kiris túsip, jospar 104%-ǵa oryndalǵan. Sonyń ishinde respýblıkalyq bıýdjetke 5,1 trıllıon teńge túsip, jospar 100,1%-ǵa oryndalǵan.
«Jalpy, kirister boıynsha jospar 7 mıllıard teńgege asyra oryndaldy. Onyń ishinde salyqtar 22 mıllıard teńgege atqarylsa, salyqtyq emes túsimder 17 mıllıard teńgege atqarylmady. Salyqtar boıynsha asyra oryndaýdyń negizgi somalary korporatıvtik tabys salyǵyna, paıdaly qazbalar óndirýge salynatyn salyqqa jáne ishki óndiris taýarlaryna salynatyn qosylǵan qun salyǵyna tıesili boldy», dep atap ótti vedomstvo basshysy.
Ol, sonymen qatar, korporatıvtik tabys salyǵynyń jospary 672 iri salyq tóleýshiniń málimdelgen avanstyq tólemderi 66,4% ulǵaıýyna baılanysty asyra oryndalǵanyn habarlady.