Almaty ákimi Baqytjan Saǵyntaev «Aqbulaq» shaǵyn aýdanyndaǵy atys kezinde qaza tapqan polıseılerdiń otbasylarymen kezdesti.
Kezdesý barysynda qala ákimi qaıǵyly otbasylarǵa kóńil aıtyp, páter kiltin tabys etti. Almaty ákimdiginiń bastamasy sot sheshimin oryndaý boıynsha qyzmettik boryshyn oryndaý kezinde qaza tapqan polıseılerdiń otbasylaryn qoldaý maqsatynda qabyldanyp otyr.
Bıylǵy shilde aıynan bastap Alataý aýdandyq PB janyndaǵy polısııa bóliminiń ýchaskelik polısııa ınspektory qyzmetin atqarǵan polısııa kapıtany Nurbol Baıǵazıev ishki ister organdarynda 2014 jyldan bergi aralyqta qyzmet etip kelgen. Onyń 5 jáne 7 jastaǵy eki balasy qaldy. Al polısııa maıory Darhan Súleev ishki ister organdarynda 2003 jyldyń qańtarynan bastap qyzmet etken. Osy jyldyń tamyz aıynan bastap Alataý aýdandyq PB janyndaǵy polısııa bóliminiń ýchaskelik polısııa ınspektory qyzmetin atqarǵan onyń kámeletke tolmaǵan bes balasy qaldy.